წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
13-21 დეკემბერის პერიოდი
13-21 დეკემბერის პერიოდი მშვილდოსნის ნიშნის მესამე დეკადას განეკუთვნება.
ამ დეკადას სატურნი მართავს. ეს პლანეტა ამ ადამიანებს ანიჭებს ძალას, გონივრულობას, სიმტკიცესა და წინდახედულებას.
მნიშვნელოვანი წლებია: 19, 36, 38, 40, 45, 57, 75.
ამ პერიოდში დაბადებულთა სიმბოლოა ლოტოსი.
ამ პერიოდში დაბადებულები სანდო ადამიანები არიან, აქვთ მტკიცე ხასიათი, ნებისყოფა. შეუძლიათ საქმიანი რჩევების მიცემა, არ არიან ეგოისტები.
15 დეკემბერს დაბადებულები
15 დეკემბერს დაბადებულებისთვის ძალიან ბევრს ნიშნავს ურთიერთობები. ისინი კომუნიკაციისთვის ნებისმიერ შესაძლებლობას ეძებენ. საკუთარ თავზე ლაპარაკი არ უყვართ, მაგრამ შესანიშნავი მსმენელები არიან. თანამოსაუბრეს არჩევენ, თუ ადამიანი არ აინტერესებთ, მასთან ურთიერთობაც არ იზიდავთ.
15 დეკემბერს დაბადებულები ამბიციური არიან. თუ არჩეულმა საქმემ ძალიან გაიტაცა, შესაძლოა, შრომისმოყვარეობით „დაავადდნენ“. ამ ადამიანებისთვის ყველაზე ფასეულია მეგობრობა და ამისთვის ბევრი რამის გაღება შეუძლიათ.
15 დეკემბერს დაბადებული მშვილდოსნები სოციალურად ორიენტირებული არიან, მზად არიან თანამშრომლობისთვის, გუნდში მუშაობისთვის. სხვისი აზრის მიმართ გულგრილი დამოკიდებულება არა აქვთ. არიან დიპლომატიური, კომუნიკაბელური, გააჩნიათ ჯანსაღი ამბიციები, მაგრამ კარიერა მათთვის მთავარი არ არის. ნებისმიერ სამუშაოზე მნიშვნელოვანი ამ ადამიანებისთვის პირადი რომანტიკული და მეგობრული ურთიერთობებია.
ამ დღეს დაბადებულებს გააჩნიათ უნიკალური თვისება - ნებისმიერ სიტუაციაში შეუძლიათ კომპრომისული გადაწყვეტილების მოძებნა. მოლაპარაკებების წარმოების ნიჭის წყალობით, ხშირად გამოდიან შემრიგებლის, მშვიდობისმყოფელის როლში.
ზოდიაქო: ერთი ნიშანი – ერთი სიტყვა>>
15 დეკემბერს დაბადებულები გლობალისტები არიან, შესანიშნავი სტრატეგები თავიანთ პროფესიულ ცოდნასა და უნარებს პროექტების დაგეგმვისას იყენებენ. სამსახურში ხშირად იდეების გენერატორის როლში გვევლინებიან, ხოლო პროექტების რეალიზებას უფრო პრაქტიკულ თანამშრომლებს უთმობენ.
ლიდერის როლში ეს ადამიანები სამართლიანი, რაციონალური, საქმეზე ორიენტირებული არიან; მაგრამ მათთვის სამუშაო უმაღლესი მიზანი არ არის.
ჯანმრთელობა
ჯანმრთელობასთან მიმართებით 15 დეკემბერს დაბადებულების ოპტიმიზმი ხანდახან ზედმეტად მოჭარბებულია. ეს საკუთარი შესაძლებლობების მაღალ შეფასებას იწვევს, შემდეგ კი „მოულოდნელი“ ავადმყოფობისგან იტანჯებიან. სინამდვილეში, ეს ავადმყოფობა ნელ-ნელა უვითარდებათ, მაგრამ თავიანთი ოპტიმიზმის გამო ამ სიმპტომებს ვერ ცნობენ. მათთვის რეკომენდებულია პროფილაქტიკის მიზნით რეგულარული ვიზიტები ექიმთან.
რჩევა:
სოციალურად აქტიურებს ხანდახან საზოგადოებისგან დასვენება არ გაწყენდათ. გამოიყენეთ შვებულება იმისთვის, რომ თქვენი ფიქრები და აზრები მოაწესრიგოთ.
