წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
3-12 ნოემბრის პერიოდი
3-12 ნოემბერი მორიელის ნიშნის მეორე დეკადას განეკუთვნება, რომელსაც მზე მართავს.
მნიშვნელოვანი წლებია 15, 25, 30, 45, 50, 60, 75.
ამ ადამიანების სიმბოლოა ორქიდეა.
ამ პერიოდში დაბადებულები გულდახურული ადამიანები არიან. ახასიათებთ უნდობლობა, ეჭვიანობა. ხშირად ხვდებიან უსიამოვნო სიტუაციებში. არიან ძალზე შრომისმოყვარე, მომთმენი.
7 ნოემბერს დაბადებულები
7 ნოემბერს იდუმალებით მოცული ადამიანები იბადებიან. თავიანთი ქმედებებით მათ გარშემომყოფები ხშირად შეჰყავთ შეცდომაში. მათ შეუძლიათ ერთხანს ძალზე აქტიური იყვნენ გართობის მხრივ, ხოლო შემდეგ გარკვეული პერიოდი საერთოდ მოწყდნენ გარე სამყაროს. საქმე არანაირ პირად პრობლემაში არაა, უბრალოდ, საკუთარ თავთან მარტო ყოფნა სჭირდებათ და რადგან არ უყვართ თავიანთი მდგომარეობის ახსნა, ეს კოლეგებთან თუ ოჯახის წევრებთან გაუგებრობებს იწვევს.
ამ დღეს დაბადებულებს ფაქიზი ინტუიცია აქვთ. არიან ბუნებით ფსიქოლოგები, შეუძლიათ ადამიანური ხასიათის არსს ჩაწვდნენ, მაგრამ ამ უნარზე გაჩუმებას ამჯობინებენ.
ზოდიაქოს ნიშნები, რომლებსაც ამ სამყაროში ჰარმონია და წონასწორობა შემოაქვთ>>
7 ნოემბერს დაბადებული მორიელები არიან დიპლომატიური, უმეტესად მშვიდი და თავშეკავებული. არ უყვართ კონფლიქტები, მაგრამ სხვა მორიელებისგან განსხვავებით, „გაქცევის“ მეთოდს არ აძლევენ უპირატესობას. ეს ადამიანები ცდილობენ, მშვიდობისმყოფელის როლი შეასრულონ, კონფლიქტი ისე გადაწყვიტონ, რომ არც ერთ მხარეს ნეგატიური შედეგი არ დაუდგეს.
ამ დღეს დაბადებულები კომპრომისზე მხოლოდ ერთ შემთხვევაში არ მიდიან. საუბარია მათ იდეებზე, პრინციპებსა და რწმენაზე. ასეთ დროს 7 ნოემბერს დაბადებულისთვის არსებობს ორი მოსაზრება - საკუთარი და მცდარი.
7 ნოემბერს დაბადებულები მკვლევარის მგზნებარებით გამოირჩევიან. ეს თვისება ხშირად მათ მიერ პროფესიის შერჩევასაც განსაზღვრავს. თუ შესაძლებლობა აქვთ, რომ რაიმე ახალი შეიცნონ, ისინი თავიანთი არჩევნით კმაყოფილი რჩებიან.
ეს ადამიანები კარიერისტები არ არიან, კარიერის გასაკეთებლად ძალისხმევას არ იჩენენ, მაგრამ, როგორც წესი, სამსახურში აღიარებას მალე პოულობენ. მათთვის კარიერა თვითმიზანი არ არის.
ჯანმრთელობა
7 ნოემბერს დაბადებულების პოტენციურად სუსტი ადგილებია რეპროდუქციული, საჭმლის მომნელებელი და გამომყოფი სისტემები. ამ დღეს დაბადებული ქალებისთვის არაა რეკომენდებული ჰორმონალური კონტრაცეპტივები, მამაკაცებმა კი ყურადღება უნდა მიაქციონ ორგანოებს, რომლებიც სქესობრივი ჰორმონებს გამოიმუშავებენ. ფსიქოლოგიური თვალსაზრისით, მათზე, შესაძლოა, მძიმე კვალი დატოვოს სტრესებმა. ასევე საფრთხეს წარმოადგენს მათთვის გადაღლა.
რჩევა:
თქვენთვის უმჯობესია, მეტი ყურადღება გამოიჩინოთ გარშემო სივრცეში წესრიგის დამყარების მიმართ. იზრუნეთ, რომ არ დანაგვიანდეს თქვენი სამუშაო ადგილი და სახლი უსარგებლო ძველმანებითა და არასაჭირო ნივთებით.
