ზოდიაქოს თითოეული ნიშნის წარმომადგენლებს თავიანთი ზოგადი საერთო თვისებები აქვთ, მაგრამ თითოეულ დღეს დაბადებულები კიდევ განსხვავებული მახასიათებლებით გამოირჩევიან.
21 ივნისი - 1 ივლისი
21 ივნისი - 1 ივლისის პერიოდი კირჩხიბის ნიშნის პირველ დეკადას განეკუთვნება.
ამ დეკადას ვენერა მართავს, რომელიც ამ პერიოდში დაბადებულებს განსაკუთრებულ მაგნეტიზმს, სილამაზეს, დამყოლ ხასიათსა და მომხიბვლელობას ანიჭებს. ეს ადამიანები კარგი მეოჯახეები არიან, ძალზე დამოკიდებული არიან ახლობლებზე და პატივს სცემენ ოჯახურ ტრადიციებს.
მნიშვნელოვანი წლებია: 25, 50, 75.
ამ დეკადაში დაბადებულთა სიმბოლოა ტიტა.
ამ პერიოდში დაბადებულებს საკმაოდ რთული ხასიათი აქვთ. ეს ხდება უსიამოვნებების მიზეზი სასიყვარულო ურთიერთობებში. ზედმეტი სიამაყე მათ ხელს უშლის შერიგებისკენ პირველი ნაბიჯის გადადგმაში მაშინაც კი, როცა თავად ტყუიან. ამ პერიოდში დაბადებულები ძალზე მგრძნობიარე და იმპულსური არიან. ეს მოქმედებს ადამიანებთან ურთიერთობებზე, ამიტომ მათ თავიანთი ემოციების გაკონტროლება უნდა ისწავლონ. ბედნიერებისა და კეთილდღეობის მისაღწევად მათ უნდა იფიქრონ თავიანთ ნაკლოვანებებზე, სისუსტეებზე, ხშირად გააანალიზონ საკუთარი საქციელი, ემოციები და იმუშაონ განვითარებაზე.
30 ივნისს დაბადებულები
30 ივნისს ნიჭიერი ადამიანები იბადებიან. არიან ენერგიული, მტკიცე, შრომისმოყვარენი. მათთვის უცხოა სიამაყე და პატივმოყვარეობა, მუდამ კეთილგანწყობილი არიან გარშემომყოფების მიმართ. თუნდაც მნიშვნელოვან წარმატებებს მიაღწიონ, მაინც მოკრძალებული რჩებიან. მათ გარშემო ბევრი მეგობარი ტრიალებს, რომლებიც აფასებენ ამ ადამიანების მიერ შექმნილ სიმყუდროვესა და სიმშვიდეს.
რომელი ლითონი მიესადაგება ზოდიაქოს თითოეულ ნიშანს>>
30 ივნისს დაბადებულები სიამოვნებით აკეთებენ მხოლოდ იმ საქმეს, რაზეც შინაგანად არიან განწყობილი, სხვაგვარად, მათი იძულება რაიმე მოქმედებისთვის, პრაქტიკულად, შეუძლებელია. ამ დღეს დაბადებულთა შორის არიან როგორც ექსტრავერტები, ისე ინტროვერტები, მაგრამ ორივე შემთხვევაში თავიანთ მაღალ მიზნებს მისდევენ. აქვთ მდიდარი შინაგანი სამყარო, სადაც უცხოს არავითარ შემთხვევაში არ უშვებენ.
ინტროვერტებს ძალიან უყვართ თავიანთი სახლი, მათ მიერ მოწყობილი გარემო მაქსიმალურად პროგნოზირებადია; პირველ რიგში, აფასებენ სტაბილურობას, წესრიგს, საიმედოობასა და უსაფრთხოებას. ექსტრავერტები საკმაოდ მიმზიდველი და კეთილი არიან, მაგრამ თუ სათამაშო სიტუაციაში აღმოჩნდნენ, მათი ბობოქარი ხასიათი, შესაძლოა, კონტროლიდან გამოვიდეს და მთელი თავისი მრავალფეროვნებით წარმოჩინდეს.
30 ივნისს დაბადებულებს აშკარად გამოხატული ნიჭი აქვთ ტექნიკურ სფეროში. მშვენივრად შეუძლიათ თავიანთი ინტერესების დაცვა როგორც ფიზიკურად, ისე ინტელექტუალურად. ინტროვერტები ძირითადად, თრგუნავენ აგრესიას, რაც მათთვის სერიოზულ საფრთხეს წარმოადგენს. ამ დღეს დაბადებულები ძალზე დამოკიდებული არიან გარშემო ატმოსფეროზე და საკუთარ განწყობაზე, სხვადასხვა სიტუაციაში სხვადასხვაგვარად მოქმედებენ. ეს მათ გარკვეულ იდუმალებას ანიჭებს.
რომელი ფერია თქვენთვის ბედნიერებისა და წარმატების მომტანი ზოდიაქოს ნიშნის მიხედვით>>
ამ დღეს დაბადებულთა დადებითი თვისებაა ის, რომ შეუძლიათ სწორად განკარგონ როგორც საკუთარი, ისე სხვისი თანხები, არიან შესანიშნავი მრჩეველები ფინანსურ საკითხებში.
ჯანმრთელობა
30 ივნისს დაბადებულები უნდა უფრთხილდნენ ფილტვებისა და საჭმლის მომნელებელი სისტემის ორგანოების დაავადებებს, ასევე ფსიქიკურ დაავადებებს. განსაკუთრებით დეპრესიის დროს ზედმეტად ეძალებიან საკვებს. თვალი უნდა მიადევნონ, რომ საკვები დაბალანსებული და ჯანსაღი იყოს. სწორად შერჩეული რაციონი და ზომიერი ფიზიკური დატვირთვები მათი ჯანმრთელობის გარანტია.
რჩევა:
მეტად დააფასეთ და გიყვარდეთ საკუთარი თავი. თქვენ ბევრი რამის გაკეთება შეგიძლიათ გარშემომყოფებისთვის, ეს აუცილებელია, რომ თქვენი ენერგია კეთილ საქმეს მოახმაროთ და ის აგრესიაში არ გადაიზარდოს. ისწავლეთ პირდაპირ შეხედოთ საკუთარ შიშებს და გადალახოთ ისინი. ყველასგან განმარტოებისა და საკუთარ ნაჭუჭში ჩაკეტვის სურვილი არაფერ კარგს არ მოგიტანთ.
