წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
11-20 ივნისი
11-20 ივნისის პერიოდი ტყუპის ნიშნის მესამე დეკადას განეკუთვნება.
ამ დეკადას მთავარი პლანეტა – მზე მართავს, რომელიც ამ პერიოდში დაბადებულებზე დიდ გავლენას ახდენს. ეს ადამიანები უზარმაზარი ფიზიკური და სულიერი ძალით გამოირჩევიან, მაგრამ, ჩვეულებრივ, იმპულსური, თავშეუკავებელი და უხეში არიან.
მნიშვნელოვანი წლებია: 10, 20, 30, 40, 50, 60, 70, 80.
ამ დეკადაში დაბადებულთა სიმბოლოა ზიზილა.
ეს ადამიანები ძალზე საზრიანი არიან, მაგრამ რომანტიზმის შეგრძნება სრულიად არ გააჩნიათ. ისინი ხშირად ეჭვობენ, სანამ რაიმეს გააკეთებენ. მათ შორის თითქმის არ გვხვდებიან ისეთი ადამიანები, რომლებიც სარისკო საქმიანობისკენ ისწრაფვიან. მათ უყვართ მშვიდი ვითარება, სიჩუმე და ოჯახური სიმყუდროვე. ცხოვრებისეული წარმატების მისაღწევად სჭირდებათ თავდაჯერებულობა. ამ ადამიანებმა უნდა ისწავლონ ადამიანებთან ურთიერთობები, იყვნენ უფრო აქტიური და თამამი.
19 ივნისს დაბადებულები
19 ივნისს დაბადებულებმა, ქაოტურ ცხოვრებისეულ სიტუაციებში რომ არ აღმოჩდნენ, მუდმივად უნდა იზრუნონ თავიანთ სულიერ განვითარებაზე. ამ ადამიანებს კონტაქტის დამყარება შეუძლიათ ნებისმიერ ადამიანთან. ისინი დიპლომატებივით მოქმედებენ: აგვარებენ უთანხმოებებს იმგვარად, რომ არ ეხებიან სხვის პატივმოყვარეობას და მტკივნეულ ადგილზე არ აბიჯებენ თავიანთ ოპონენტებს. არ უყვართ ერთ ადგილზე ჯდომა, ცდილობენ იმოგზაურონ და ასევე, შეიცვალონ პროფესიული საქმიანობაც. არიან რა ქედუხრელი და ნიჭიერი ცხოვრების ნებისმიერ სფეროში, ყოველთვის აღწევენ კარგ ცხოვრებისეულ პირობებს.
ვინ იყავით წინა ცხოვრებაში ზოდიაქოს ნიშნის მიხედვით>>
19 ივნისს დაბადებულებში ერთნაირად არის შერწყმული როგორც კარგი, ისე ცუდი თვისებები. ისინი მუდამ ენთუზიაზმით არიან აღსავსე, ამასთან, მათი ქმედებები ძლიერ მოქმედებს გარშემომყოფებზე. ამ დღეს დაბადებული ქალები განსაკუთრებული დამაჯერებლობით გამოირჩევიან, ყოველთვის ისწრაფვიან მორიგი მიზნისკენ. საკუთარ წარმატებებს კარიერაში ისინი უკავშირებენ ფინანსური სტაბილურობის მიღებას, ეს კი მათთვის დამოუკიდებლობას ნიშნავს.
მამაკაცები, როგორც წესი, მყარად დგანან მიწაზე, აქვთ გაწონასწორებული ხასიათი. ქალებიცა და მამაკაცებიც ძალზე ჯიუტი არიან და ამას არც მალავენ. არიან აქტიური ადამიანები და თან იმდენად, რომ გარშემომყოფების ამოქმედებაც შეუძლიათ. მათთვის სრულიად მიუღებელია კომპრომისზე წასვლა.
19 ივნისს დაბადებულებს ხანდახან არ შეუძლიათ, ან არ სურთ დაინახონ საკუთარი შესაძლებლობების ზღვარი, ეს კი მათთვის ხშირად პრობლემა ხდება. ისინი შეიძლება მოხვდნენ რთულ სიტუაციაში, თუ სხვების მიმართ ზედმეტად მომთხოვნი და უხეში იქნებიან. ამ დღეს დაბადებულები უნდა დაფიქრდნენ, ყოველთვის მზად არიან თუ არა მათი ახლობლები, ადეკვატურად უპასუხონ მათ აქტიურობას.
ჯანმრთელობა
19 ივნისს დაბადებული ქალების ჯანმრთელობაზე შეიძლება უარყოფითად იმოქმედოს გონების ზედმეტმა დაძაბვამ, გარემოს კრიტიკამ და არასაჭირო აქტიურობამ. მათ უნდა შეიქმნან მეტად კომფორტული და მოსახერხებელი პირობები ცხოვრებისა და მუშაობისთვის. მამაკაცებს არ უნდა გამოეპაროთ დაავადებების ან დეპრესიული მდგომარეობის ნიშნები, რომ ამან ქრონიკული ფორმები არ მიიღოს. ფიზიკურად ძალიან არ უნდა დაიტვირთონ თავი. დიეტა კი მათთვის მრავალფეროვანი შეიძლება.
რჩევა:
თუ არჩევნის საშუალება გაქვთ, მეტად შემოქმედებითად მიუდექით საკითხს. ნუ ჩაკეტავთ თავს ერთი როლის ან მიმართულების ფარგლებში. ნუ შეუშინდებით კომპრომისს, გულმოდგინედ მოუსმინეთ სხვა ადამიანების ემოციებსა და შეგრძნებებს.
