წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
1-10 ივნისი
1-10 ივნისი ტყუპის ნიშნის მეორე დეკადას განეკუთვნება.
ამ დეკადას მარსი მართავს. ის ამ პერიოდში დაბადებულებს მძლავრ ენერგიასა და დიდ ცხოვრებისეულ ძალას ანიჭებს.
მნიშვნელოვანია წლებია: 8, 10, 16, 20, 32, 40, 48, 56, 64, 72.
ამ დეკადაში დაბადებულთა სიმბოლოა მაჩიტა.
1-10 ივნისის პერიოდში დაბადებულებს უყვართ სტაბილურობა. სანამ რაიმე გადაწყვეტილებას მიიღებენ, ისინი ჯერ კარგად დაფიქრდებიან, შეაფასებენ და მხოლოდ ამის შემდეგ მიიღებენ გადაწყვეტილებას. არ უყვართ და აშინებთ მოულოდნელი ცვლილებები, მაგრამ თუ ცვლილებების სარგებელს გაიგებენ, სწრაფად მოახდენენ ადაპტირებას, უძრაობა მათთვის მიუღებელია. არიან კარგი მეოჯახეები, ახლობლების მიმართ მზრუნველი და ყურადღებიანი.
3 ივნისს დაბადებულები
3 ივნისს სხვადასხვა ნიჭით დაჯილდოებული ადამიანები იბადებიან. არიან ცნობისმოყვარენი, აქვთ საოცარი მაგნეტიზმი, რისი წყალობითაც ადამიანებზე ზეგავლენის მოხდენა შეუძლიათ. თუ საკუთარ თავზე ძალიან მაღალი შთაბეჭდილება შეექმნათ, ეგოისტი და ამპარტავანი ხდებიან. იტაცებთ ისეთი სფეროები, როგორიცაა მეცნიერება, მასობრივი ინფორმაციის საშუალებები, გამომგონებლობა, ადმინისტრირება. ასევე აქვთ ხელოვნების ნიჭი. არიან რთული ხასიათის მქონე ადამიანები, რაც მეგობრებთან დაახლოებაში უშლის ხელს.
იდეალური ქვეყანა ზოდიაქოს თითოეული ნიშნისთვის>>
3 ივნისს დაბადებულებს ესაჭიროებათ ადამიანებთან ურთიერთობები, საკუთარი აზრებისა და იდეების გამოთქმა. მათი მეტყველება და წერის მანერა ინდივიდუალობით გამოირჩევა. ხშირად აზრს შენიღბულად გადმოსცემენ. არიან საკმაოდ ემოციური ადამიანები, ხშირად - პირდაპირი და უხეშები.
ამ დღეს დაბადებულებს მეტი დიპლომატიურობა სჭირდებათ. ხანდახან მათი მჭევრმეტყველება ლაქლაქში გადადის, ამიტომ ჩარჩოები უნდა იცოდნენ. ამ ადამიანებს არ სჩვევიათ კომპრომისებზე წასვლა და საკუთარ აზრს ბოლომდე იცავენ; ამიტომ ხშირად კამათობენ და ჩხუბობენ. თუ გულზე რაიმე ძალიან მოხვდათ, შეიძლება ტირანებად იქცნენ. მიუხედავად ყველაფრისა, ეს ადამიანები ჯანსაღ აზრს მოკლებული არ არიან; აქვთ გამჭრიახი გონება, ბუნებისგან ბოძებული ხიბლი. პოლემიკის დროს მოპაექრეში გათვლილ და კარგად აწონილ-დაწონილ არგუმენტებს აფასებენ.
ნივთები, რომლებიც წარმატებას იზიდავს: რა დატვირთვა აქვს წითელ კარს, ჭიამაიასა თუ სპილოს>>
ამ დღეს დაბადებულებში ხშირად შერწყმულია ისეთი თვისებები, როგორიცაა სარკაზმი, ირონია და ენამახვილობა. როდესაც გაღიზიანებული არიან, სიტყვით ახლობლებისთვის ტკივილის მიყენება შეუძლიათ. მათთვის ყველაზე საშინელი სასჯელია, როდესაც საზოგადოება მათ მიმართ ინტერესს არ იჩენს. ამიტომ მათგან თავდაცვის საუკეთესო საშუალება გულგრილობა და დუმილი შეიძლება აღმოჩნდეს. მათ მიმართ უპატივცემულობის გამოჩენამ შეიძლება მათი განრისხება გამოიწვიოს.
ჯანმრთელობა
3 ივნისს დაბადებულები ექიმებს ნაკლებად ენდობიან, ამიტომ მათი ექიმთან ვიზიტზე დათანხმება დიდ სირთულეს წარმოადგენს. ეს კი აუცილებელია, რადგან ასე დაავადებების გართულებას აირიდებენ თავიდან. ზოგადად, ეს ადამიანები კარგი ჯანმრთელობით გამოირჩევიან. მათთვის რეკომენდებულია ზომიერი ფიზიკური დატვირთვები. რაც შეეხება კვების რაციონს, ის მრავალფეროვანი იყოს, რადგან ეს ადამიანები მოსაწყენს ვერაფერს იტანენ და მათ შორის - ვერც საკვებს.
რჩევა:
ნუ იქნებით ზედმეტად თავდაჯერებული. ჩარჩოებში მოათავსეთ თქვენი ბობოქარი ხასიათი. ყურადღება მიაქციეთ სიტყვებს - ამით, შესაძლოა, ახლობელ ადამიანს ატკინოთ გული.
