წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
2–20 აპრილი
12-20 აპრილის პერიოდი ვერძის ნიშნის მესამე დეკადას განეკუთვნება.
ამ დეკადას პლანეტა ვენერა მართავს. ის ამ პერიოდში დაბადებულებს მგრძნობიარობასა და სინაზეს, მგზნებარებასა და იმპულსურობას ანიჭებს.
მნიშვნელოვანი წლებია: 15, 30, 36, 40, 60, 66.
ამ ადამიანთა სიმბოლოა ჰორტენზია.
ამ პერიოდში დაბადებულები გამოირჩევიან კეთილშობილებითა და გულწრფელობით, ხშირად მოქმედებენ თავზეხელაღებულად, დაუდევრად, რამის პირობას დებენ და შემდეგ ავიწყდებათ. ეს იმიტომ არ ხდება, რომ სხვებისთვის ზიანის მიყენება სურთ, არამედ იმიტომ, ასე არიან მოწყობილი ვერძები. თუ ისწავლიან სიტყვის შესრულებას, დანაპირების ასრულებას, მაშინ მათთვის ბუნებისგან მინიჭებული წესიერება და სიკეთე წარმატებების მიღწევაში დაეხმარება.
14 აპრილს დაბადებულები
14 აპრილს დაბადებულთა ცხოვრებას ოჯახი, გარემო პირობები, გარშემომყოფთა მსოფლაღქმა, აღზრდა განაპირობებს. თუ ბავშვობიდანვე დადებით საწყისი განუვითარდებათ, სულიერი განვითარების გზას დაადგებიან, ბედნიერებასა და წარმატებას მიაღწევენ როგორც კარიერის, ისე პირადი ცხოვრების თვალსაზრისით.
14 აპრილს დაბადებულთა ცხოვრებაში დიდი ადგილი უკავია საზოგადოებრივ ცხოვრებასა და საზოგადოებაში საკუთარი ადგილის დამკვიდრებას. მათთვის მნიშვნელოვანია, რომ საზოგადოებაში იყვნენ მნიშვნელოვანი ფიგურები, თუნდაც არ ჰქონდეთ ლიდერის თვისებები. თავიანთი ჯიუტი მისწრაფების წყალობით ისინი ახერხებენ ავტორიტეტის მოხვეჭას, გარშემომყოფები მათ პატივს სცემენ, აფასებენ მათ მოსაზრებებს. ამ დღეს დაბადებულები ტრადიციების ერთგული არიან, იტაცებთ ისტორიული მეცნიერებები, კონკრეტული ისტორიული მოვლენების შესწავლა.
როგორია თქვენი აურის ფერი ზოდიაქოს ნიშნის მიხედვით>>
ამ დღეს დაბადებულ განათლებულ და ინტელექტუალ პიროვნებებს ჰყოფნის გარშემომყოფთა პატივისცემა; სხვებისთვის კი აუცილებელია საზოგადოების ღია აღიარება, ლამის უსიტყვო მორჩილება. ისინი მუდამ ცხოვრებისეული მოლენების ცენტრში არიან და ყოველთვის აქვთ აქტუალური ინფორმაცია. გამჭრიახობის წყალობით, ადამიანებსა და მათ წარმატებებს სწორად აფასებენ. ამას გარდა, შეუძლიათ მომავალი მოვლენების პროგნოზირება. ცხოვრებისეული ცვლილებების მიმართ მათ კონსერვატიული დამოკიდებულება აქვთ. 14 აპრილს დაბადებული რევოლუციონერები და ნოვატორები, მეამბოხეები, პირველ რიგში, თავიანთ ტრადიციულ ფასეულობებსა და პრინციპებს იცავენ.
14 აპრილს დაბადებული ქალები წმინდად იცავენ ქორწინების ინსტიტუტსა და ოჯახურ კერას, თუმცა, კარიერასაც ადვილად იკეთებენ, არ ივიწყებენ დასვენებასაცა და გართობასაც. ყოველთვის ახერხებენ, ერთმანეთს შეუთავსონ ოჯახზე ზრუნვა და სხვა საქმიანობა. მამაკაცები მიზიდველი, განსაკუთრებული შარმის მქონენი არიან, ამავდროულად, თავშეკავებული და ტაქტიანი და ამასვე მოითხოვენ სხვებისგან.
ამ დღეს დაბადებულებისთვის აუცილებელია გარკვეულობის შეგრძნება, ამიტომ ისინი ცდილობენ, ადრეულ ასაკშივე შექმნან ოჯახი და იპოვონ სტაბილური სამსახური. გარდამავალი პერიოდები და ცვლილებები არ უყვართ.
ჯანმრთელობა
ამ დღეს დაბადებულები დიდ ყურადღებას აქცევენ გარეგნობას, რის გამოც ხშირად მიმართავენ ქირურგიულ მანიპულაციებს, დიეტებს, ქანცგამცლელ ვარჯიშებსა და კოსმეტიკურ ოპერაციებს. მძიმედ განიცდიან წლების მატებას, დაბერებას. ეს მათზე დამთრგუნველად მოქმედებს, ამიტომ გარეგნობისა და დაბერების პროცესის მიმართ მათ განსხვავებული დამოკიდებულება უნდა გამოიმუშაონ. საკვების მხრივ წუნიები არ არიან, უყვართ ნაცადი და საყვარელი საკვების მიღება.
როგორ იკლებენ წონაში ზოდიაქოს ნიშნები>>
რჩევა:
ხანდახან რისკი წარმატების საწყისია, გარისკეთ ხოლმე. ტრადიციების დაცვა ყოველთვის არ არის აუცილებელი, ხანდახან ისინი მომავალს უშლის ხელს. გააცნობიერეთ, რომ ცვლილებები ბუნებრივია.
