წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
2-11 აპრილი
2-11 აპრილის პერიოდი ვერძის ნიშნის მეორე დეკადას განეკუთვნება.
ამ დეკადას მზე მფარველობს. ამ პერიოდში დაბადებულები პატივმოყვარე, მტკიცე და ძალაუფლებისმოყვარე ადამიანები არიან.
მნიშვნელოვანი წლებია: 15,19, 30, 35, 45, 57, 60, 76.
ამ ადამიანთა სიმბოლოა მაგნოლია.
ამ პერიოდში დაბადებულები ძალზე პატივმოყვარე პიროვნებები არიან. პირველობისკენ სწრაფვაში ხშირად ავიწყდებათ სხვების ინტერესები, ხანდახან ვერ საზღვრავენ საკუთარ ძალებს და თავიანთ შესაძლებლობებს აზვიადებენ. ხშირად ყურადღებას არ აქცევენ გარშემომყოფების რჩევებს. მათ უნდა ისწავლონ სხვა ადამიანების რჩევებისა და ინტერესების გათვალისწინება.
5 აპრილს დაბადებულები
5 აპრილს ძალზე ნიჭიერი ადამიანები იბადებიან. აქვთ მოქნილი ჭკუა, შესანიშნავი მეხსიერება; არიან კარგი ორატორები, ასევე აქტიური და ხალისიანი ადამიანები. თუ ამ დღეს დაბადებულები სწორ გზას აირჩევენ, გამოიყენებენ და განავითარებენ თავიანთ ნიჭს, მიაღწევენ ბედნიერებას, მაღალ სოციალურ სტატუსს და წარმატებებს საქმიანობაში, თუ არა - ფსკერზე დაეშვებიან და მანკიერებაში ჩაიძირებიან.
როდესაც ამ დღეს დაბადებულები რაიმე წარმატებას აღწევენ ცხოვრებაში, მისი შენარჩუნების უნარი შესწევთ. არიან რა ძალზე კონცენტრირებული, თავშეკავებული და შეიძლება ითქვას, რომ თავდაჯერებულიც, ამავე დროს, არ არიან ეგოისტი ადამიანები. ურჩევნიათ, გარე დამკვირვებლის როლი მოირგონ, ვიდრე საქმის არსს სიღრმეებში ჩაწვდნენ. ეს ადამიანები, როგორც წესი, ერთ პროფესიას ირჩევენ და მისი საშუალებით ცდილობენ საკუთარი თავის რეალიზებას. ეს ეხება პრინციპებსაც, რომლებსაც ასევე არ იცვლიან ცხოვრების განმავლობაში.
5 აპრილს დაბადებულების უმეტესობას სურს, რომ შეაქონ, აღიარონ. მაგრამ ამის გარეშეც შეუძლიათ ცხოვრება - უბრალოდ, შრომობენ და თან, ხშირად, უანგაროდ. დაწყებული საქმე ყოველთვის მიჰყავთ ბოლომდე. მიუხედავად პოპულარობისა და დიდებისკენ სწრაფვისა, „ვარსკვლავური“ დაავადება არ აწუხებთ, სინამდვილეში, მორცხვი და მორიდებული არიან. არ უყვართ, როდესაც მათ სულში იქექებიან, ანალიზს ცდილობენ ან სხვადასხვა გამოცდას უწყობენ.
ამ ადამიანებს პროფესიულ საქმიანობაში წარმატება მუდამ თან სდევთ. მაგრამ ქორწინებაში ნაკლებად უმართლებთ. ისინი არ გამოირჩევიან ერთგულებით და ამიტომ ოჯახი ხშირად ენგრევათ. ხანდახან ვერც აცნობიერებენ, რომ ცუდად იქცევიან, ამიტომ მათთან ურთიერთობები ხშირად რთულია. სირთულეა ასევე ისიც, რომ არ უყვართ დიდხანს საუბარი და ურთიერთობების გამორკვევა, უნდათ, რომ მათი ერთ სიტყვაში უკვე ესმოდეთ.
როგორია თქვენი აურის ფერი ზოდიაქოს ნიშნის მიხედვით>>
ეს ადამიანები არ მიდიან კომპრომისზე, თუნდაც ამის გამო ფინანსური დანაკარგი ემუქრებოდეთ. მათთვის ფინანსური საკითხი არასდროს დგას პირველ ადგილზე, უფრო მნიშვნელოვანია თავიანთი იდეების ერთგულება, წარმატების მიღწევა საკუთარი გეგმების რეალიზებისას. ღირსების გრძნობიდან გამომდინარე, ცდილობენ, არ ჩაებან უაზრო კონფლიქტებში. ურჩევნიათ, საქმეს მიხედონ. და როდესაც რაიმე საქმეს იწყებენ, მთლიანად მასში ერთვებიან და არ შეუძლიათ გაჩერება, დასვენება ისე, რომ ვერც კი გრძნობენ ვერც საკუთარ და ვერც კოლეგების დაღლას. ეს რომ თავიდან აიცილონ, პერიოდულად უნდა გადააფასონ გაწეული სამუშაო და შედეგის მიუხედავად, ცვლილებები შეიტანონ თავიანთ ზომიერ ცხოვრებაში.
ჯანმრთელობა
5 აპრილს დაბადებულებს ჯანმრთელობის პრობლემები, ძირითადად, გადაღლის გამო უჩნდებათ. გამუდმებულ მუშაობას მათი ორგანიზმი ვეღარ უძლებს. ხანდახან ალკოჰოლს, ნარკოტიკებსაც ეძალებიან, ჭამაში ზომიერებას კარგავენ. ამასთან ერთად, მუდმივად გამოუძინებელიც არიან. ამიტომ მათთვის ძალზე მნიშვნელოვანია, ისწავლონ დასვენება, სწორი კვება. მათი ორგანიზმი ამ ყველაფერს მხოლოდ იმიტომ უძლებს, რომ ბუნებით ძალზე ამტანი და ძლიერი არიან.
რჩევა:
გაითვალისწინეთ სხვა ადამიანების მდგომარეობა და ნუ გგონიათ, რომ მათ თქვენი ყოველთვის ესმით. გამოიჩინეთ მოთმინება, დაიცავით ზომიერების გრძნობა ყველაფერში. ისწავლეთ, რომ სამუშაო პროცესი აუცილებლად ჩაანაცვლოთ დასვენებით - ამით ჯანმრთელობას შეინარჩუნებთ და საქმეს უფრო ენერგიულად განაგრძობთ.
