წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
21-31 იანვარი
ამ პერიოდში მერწყულის ნიშნით იბადებიან – 21 იანვარი – 19 თებერვალი.
21 იანვარი – 31 იანვარი მერწყულის ნიშნის პირველი დეკადაა.
ამ პერიოდში დაბადებულებს ვენერა მფარველობს. ეს ადამიანები მორცხვი და დელიკატური არიან.
მნიშვნელოვანი წლებია: 12, 22, 32, 42, 52.
ამ პერიოდში დაბადებულთა სიმბოლოა ნეგო (უკვდავა).
ისინი ყოველთვის ელეგანტურნი და მშვენიერნი არიან. მათგან ენერგია უწყვეტად მოედინება, მათ ოპტიმიზმს კი საზღვრები არა აქვს. მათში ჩადებულია მძლავრი ცხოვრებისეული პოტენციალი, ამიტომ იოლად წყვეტენ დავებს, საქმეებს, ლახავენ ბარიერებს. აქვთ მშვიდობისმოყვარე და მხიარული ხასიათი, ამით გარშემომყოფებს თავის მიმართ სიმპათიით განაწყობენ.
27 იანვარს დაბადებულები
27 იანვარს დაბადებულები ენერგიულობით, სიმტკიცით, შრომისმოყვარეობით გამოირჩევიან. ცხოვრების მიმართ ბუნებრივი დამოკიდებულება აქვთ და არ არიან ისეთ უარყოფით თვისებებს მოკლებული, როგორიცაა ეგოიზმი, სიამაყე, ზედმეტი სიჯიუტე. თუ პრიორიტეტულს თავის უარყოფით თვისებებს გახდიან, ამ დღეს დაბადებულები უამრავ წარმატებასა და შესაძლებლობას მოიკლებენ ცხოვრებაში, რადგან გარშემომყოფებს მათ მიმართ ნეგატიური დამოკიდებულება გაუჩნდებათ. თუ დადებით თვისებებს განავითარებენ, მაშინ აქვთ სანუკვარი მიზნების, ოცნებების ასრულების შანსი. თუ პირველი ქორწინება წარუმატებელი იქნება, მეორე აუცილებლად ბედნიერებას მოუტანს. მათ ფინანსურ მდგომარეობას საქმიან პარტნიორებთან ურთიერთობები განსაზღვრავს.
27 იანვარს დაბადებულები ბავშვობიდან განვითარებულნი არიან და ეს მათი განსაკუთრებული თვისებაა. საქმიანობის სფეროდ, ჩვეულებრივ, ახალგაზრდობასთან მუშაობას ირჩევენ. მათ შეუძლიათ სულის სიმტკიცისა და ცხოვრებისადმი პოზიტიური დამოკიდებულების შემოტანა, ამიტომ ამ დღეს დაბადებულების საოცარი წარმატებები ცხოვრებაში გაკვირვებას არ იწვევს - მათი იდეები სწრაფად ხორციელდება, საქმეები წინ მიიწევს, ფინანსები იზრდება. მათ საკითხების სწრაფად გადაწყვეტა ახასიათებთ, ამიტომ საკუთარ თავზე კონტროლი ამ დღეს დაბადებულებისთვის რთულია, ეს კი ხანდახან სამუშაოზე პრობლემებს ქმნის.
27 იანვარს დაბადებულების პირადი ცხოვრება სავსეა როგორც რომანტიკული, ისე მეგობრული კავშირებით და ხშირად მათაც და მათ პარტნიორებსაც უხერხულ, მაგრამ დამაინტრიგებელ სიტუაციებში უწევთ ყოფნა. მათი ენერგია გარშემომყოფებს ხშირად აოცებს. ამ დღეს დაბადებულებმა მეტად უნდა შეიკავონ თავი და მომთმენი გახდნენ, კარგად უნდა გაერკვიონ ადამიანებში. მათი სამუშაოს შედეგები ყოველთვის არ არის ბრწყინვალე, თუმცა მუდამ ცდილობენ და ისწრაფვიან საკუთარი შრომის მაღალი შეფასებისკენ. მაგრამ სანამ სხვისი აზრის მიმართ უფრო ყურადღებიანი არ იქნებიან, იმედგაცრუება მათი საქმეების თანმდევი იქნება. მათ საკუთარ თავში უნდა ამოიცნონ არა მხოლოდ მშრომელი ადამიანი, არამედ დეტალურად უნდა შეისწავლონ საკუთარი პიროვნება.
როგორია თქვენი ბოსი? ხელმძღვანელის პლუსები და მინუსები ზოდიაქოს ნიშნის მიხედვით>>
27 იანვარს დაბადებულებს რეალიზმი ესაჭიროებათ. ისინი ხანდახან პატარა ბავშვები ხდებიან. მაგრამ ცხოვრება, გამოცდილება, ოჯახური ურთიერთობები, ბავშვები, ზრუნვა, ასე თუ ისე, აიძულებს, გაიზარდონ. მიუხედავად ბავშვური ენთუზიაზმისა, ისინი მუშაობის დროს თავშეკავებულ ადამიანებად რჩებიან.
ამ დღეს დაბადებულებს, ჩვეულებრივ, „გარდატეხის“ ასაკი 27, 36, 42 წლისებს უდგებათ და ამ პერიოდებში მათ საბოლოო გადაწყვეტილება უნდა მიიღონ - გაიზარდონ, თუ კიდევ განაგრძონ „ბავშვობაში“ ყოფნა. მათ უნდა გააცნობიერონ, რომ ბავშვურობის შენარჩუნება და ზრდასრულ ასაკშიც შესაძლებელია, უბრალოდ, ცხოვრების მიმართ შეხედულებების რამდენადმე გადახედვა სჭირდებათ. ახალგაზრდებთან მუშაობა მათში შემოქმედებით უნარს აღვივებს, რაც შინაგანი მომხიბლაობის შენარჩუნების გარანტი იქნება.
ჯანმრთელობა
27 იანვარს დაბადებულებს საყმაწვილო დაავადებები ხშირად მოზრდილობაში ახსენებს თავს და ამას არაერთი პრობლემა მოაქვს. ამიტომ მშობლებმა ამას მეტი ყურადღება უნდა მიაქციონ და კარგად უმკურნალონ. ამ დღეს დაბადებულების უმეტესობას მიდრეკილება აქვს ნერვული და სისხლძარღვების სისტემების დაავადებისადმი, რომლებიც ერთმანეთს უკავშირდება. მათ უნდა დაიცვან დიეტა და გააკონტროლონ საკვები დანამატების მიღება. უნდა სისტემატურად ივარჯიშონ, სასურველია, სუფთა ჰაერზე.
ზოდიაქოს ნიშნების ცხოვრების მთავარი აზრი>>
რჩევა:
უნდა გაიზარდოთ, ეს აუცილებელია, მაგრამ ეს სასჯელი და განაჩენი არ არის. მოვალეობების შესრულება ცხოვრების ნაწილია, აღიარეთ და მიიღეთ ეს ფაქტი. განდევნეთ შიშები და გაზრდის პროცესისგან კმაყოფილება მიიღეთ.
