წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
21-31 იანვარი
ამ პერიოდში მერწყულის ნიშნით იბადებიან – 21 იანვარი – 19 თებერვალი.
21 იანვარი – 31 იანვარი მერწყულის ნიშნის პირველი დეკადაა.
ამ პერიოდში დაბადებულებს ვენერა მფარველობს. ეს ადამიანები მორცხვი და დელიკატური არიან.
მნიშვნელოვანი წლებია: 12, 22, 32, 42, 52.
ამ პერიოდში დაბადებულთა სიმბოლოა ნეგო (უკვდავა).
ისინი ყოველთვის ელეგანტურნი და მშვენიერნი არიან. მათგან ენერგია უწყვეტად მოედინება, მათ ოპტიმიზმს კი საზღვრები არა აქვს. მათში ჩადებულია მძლავრი ცხოვრებისეული პოტენციალი, ამიტომ იოლად წყვეტენ დავებს, საქმეებს, ლახავენ ბარიერებს. აქვთ მშვიდობისმოყვარე და მხიარული ხასიათი, ამით გარშემომყოფებს თავის მიმართ სიმპათიით განაწყობენ.
26 იანვარს დაბადებულები
26 იანვარს შემოქმედებითი ადამიანები იბადებიან. ისინი კაშკაშა, მიზანსწრაფული, მშრომელი ადამიანები არიან. ჩანაფიქრს დიდი და დაჟინებული შრომით აღწევენ. არიან კარგი ორატორები, შეუძლიათ თავიანთ სიმართლეში ადამიანების დარწმუნება, საქმეს შუა გზაზე არ ტოვებენ და შესანიშნავ შედეგებს იღებენ. ოჯახური ცხოვრება თბილი და უღრუბლო აქვთ, მისდევენ ოჯახურ ფასეულობებს და უყვართ თავიანთი ახლობლები. აქვთ ფინანსური ალღო.
26 იანვარს დაბადებულებს ახასიათებთ აგრესიულობაცა და თავდაჯერებულობაც. ამ ადამიანებს მიაკუთვნებენ უდიდესი სტრატეგების რიცხვს, რომლებიც მთელ ძალას დებენ შეტევაში და ყველაფერს უდიდესი გულმოდგინებით, დეტალურად გეგმავენ. არ ახასიათებთ ბრმად მოქმედება. ამ დღეს დაბადებულთაგან ბევრს არ გააჩნია მორალის, როგორც ეთიკური კატეგორიის ცნება და აქედან მომდინარეობს უამრავი პრობლემა. თუ ხელმძღვანელი პოზიცია უკავიათ და არ ითვალისწინებენ მნიშვნელოვანი პიროვნებების მოსაზრებებს, მათი სახით მოწინააღმდეგეებსა და არაკეთილმოსურნეებს იძენენ. ისინი ბოლომდე იცავენ საკუთარ სიმართლეს.
ამ დღეს დაბადებულები საკუთარ ქმედებებში მეტ სიფრთხილეს უნდა იჩენდნენ, რადგან ფსიქოლოგიური ან ფიზიკური ზიანის მიყენება შეუძლიათ სხვა ადამიანებისთვის. ამისა და მოსალოდნელი არასტაბილური საქციელის გამო მათი საყვარელი ადამიანები ხშირად შფოთავენ. ამ დღეს დაბადებულებმა ახლობლებისკენ ნაბიჯი უნდა გადადგან და მათთან მთლიანად გაიხსნან, სხვაგვარად მათთან ურთიერთობა გაძნელდება. თუმცა, როგორც ჩანს, მათ ასეთი დაძაბული სიტუაციები და ვნებათაღელვები მოსწონთ, სხვანაირად არ შეუძლიათ, მოვლენების ცენტრში უნდა იყვნენ. სჯობს, ცხოვრებისადმი ასეთ დამოკიდებულებას გადახედონ და საგნებზე უფრო ფილოსოფიური შეხედულება ჩამოიყალიბონ.
ზოდიაქოს ყველაზე აზარტული ნიშნები - ტოპ-სამეული>>
ხანდახან ამ დღეს დაბადებულები დარწმუნებული არიან, რომ ყველაფერი მხოლოდ ისე იქნება, როგორც მათ სურთ, სანამ თავიანთი პიროვნების მეორე მხარეს - შინაგან მოთხოვნილებებსა და მოტივებს არ შეეჯახებიან. ამ დღეს დაბადებულები კარგი, ყურადღებიანი მშობლები არიან, ანებივრებენ შვილებს, თუმცა, ხანდახან მათი ძალაუფლება ბავშვების მიმართ საზღვრებს სცდება. თავად მორჩილი შვილები არ არიან და შემდეგ თითქოს შვილებისგან უკვე თვითონ ისჯებიან ამ დაუმოჩილებლობის გამო. მათი ცხოვრება, როგორც წესი, ყველაფერს ჰყოფნის - ოჯახსაც, კარიერასაც, სიყვარულსაც. მაგრამ სულიერი განვითარებისთვის კარიერასა და პირად სურვილებს შორის კომპრომისი უნდა იპოვონ.
ჯანმრთელობა
26 იანვარს დაბადებულები ტემპერამენტიანები არიან, ამიტომ ემოციების გამოვლენასთან დაკავშირებით ყურადღებით უნდა იყვნენ. მათი უზარმაზარი ენერგია ზოგს იზიდავს და ზოგს - აფრთხობს. ხშირად აწუხებთ ფეხის დაავადებები და ეს შეიძლება უბრალო დაზიანებებით დაიწყოს. ამ დღეს დაბადებულებისთვის რეკომენდებულია მსუბუქი, სულიერ ზრდასთან დაკავშირებული ვარჯიშები, რაც ემოციურობაზე მათ კონტროლს გააძლიერებს. თავი უნდა აარიდონ ხორცისა და შაქრის მიღებას. ფიზიკური დატვირთვების დროს ზომიერება უნდა დაიცვან. მათ ფსიქიკასა და ნერვულ სისტემაზე კარგად მოქმედებს კარგი მეგობრული და სასიყვარულო ურთიერთობები.
ვის როგორ უმართლებს სიყვარულში>>
რჩევა:
იყავით უფრო ადამიანური. ისწავლეთ მოდუნება და ცხოვრების სიხარულის შეგრძნება. ხანდახან უნდა დაუთმოთ საკუთარ თავს სისუსტეებში, რათა ყოველდღიურობა გაამრავალფეროვნოთ. შეინარჩუნეთ სიმშვიდე, იგრძენით გარშემომყოფთა განწყობები და შეგრძნებები.
