წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
21-31 იანვარი
ამ პერიოდში მერწყულის ნიშნით იბადებიან – 21 იანვარი – 19 თებერვალი.
21 იანვარი – 31 იანვარი მერწყულის ნიშნის პირველი დეკადაა.
ამ პერიოდში დაბადებულებს ვენერა მფარველობს. ეს ადამიანები მორცხვი და დელიკატური არიან.
მნიშვნელოვანი წლებია: 12, 22, 32, 42, 52.
ამ პერიოდში დაბადებულთა სიმბოლოა ნეგო (უკვდავა).
ისინი ყოველთვის ელეგანტურნი და მშვენიერნი არიან. მათგან ენერგია უწყვეტად მოედინება, მათ ოპტიმიზმს კი საზღვრები არა აქვს. მათში ჩადებულია მძლავრი ცხოვრებისეული პოტენციალი, ამიტომ იოლად წყვეტენ დავებს, საქმეებს, ლახავენ ბარიერებს. აქვთ მშვიდობისმოყვარე და მხიარული ხასიათი, ამით გარშემომყოფებს თავის მიმართ სიმპათიით განაწყობენ.
25 იანვარს დაბადებულები
25 იანვარს მხიარული და მშვიდი ადამიანები იბადებიან, ისინი ყველას მიმართ კეთილად არიან განწყობილი. გარშემომყოფებს მათში საოცარი შარმი იზიდავს. ეს თვისება მრავალი პრობლემის გადაჭრაში ეხმარებათ, გარშემო მეგობრებს იხვევენ და საყვარელ ადამიანებთან საერთო ენის გამონახვა შეუძლიათ. არიან რა სასიამოვნო ადამიანები, ყურადღებას იჩენენ თანამოსაუბრის მიმართ, მხარს უჭერენ მას საჭიროების შემთხვევაში და გულწრფელად უხარიათ სხვისი პრობლემების გადაჭრა. ამასთან, სანაცვლოდ მადლიერებას არ ელოდებიან. მათ მიმართ ნდობით არიან გამსჭვალული, მათთან მიდიან რჩევისთვის, დახმარებისთვის, აზრის საკითხავად, გულის გადასაშლელად და იციან, რომ ეს საიდუმლოდ დარჩება. მათი ოჯახური ცხოვრება მშვიდი და დოვლათიანია. უმართლებთ ფინანსური კუთხით.
ხანდახან 25 იანვარს დაბადებულების წინაშე უდიდესი ბარიერები აღიმართება ხოლმე, რაც სხვებს ნამდვილად მოტეხდა, მაგრამ ამ დღეს დაბადებულები ასეთი არ არიან. მათი წარმატება ვითარებებსა და გარშემო საზოგადოებაზეა დამოკიდებული. კრიზისულ და გარდამტეხ მომენტებში ისინი უცვლელად ინარჩუნებენ თავიანთ პოზიციას, გამოიმუშავებენ შინაგან სულიერ ძალას, თუმცა მოგვიანებით ამან შეიძლება ნერვული შეტევა გამოიწვიოს. ამ დღეს დაბადებულებს ცხოვრების ყველაზე რთული მომენტების გადატანა და გზის გაგრძელება შეუძლიათ. მარტოობისას, ჩვეულებრივ, სიმშვიდისკენ ისწრაფვიან და შემოქმედებითი ენერგიის წყაროს მოძებნას ცდილობენ. თუ შეძლებენ მომავლის გეგმებისთვის სწორი წერტილების მოძებნას, ბევრი რამის მიღწევა შეუძლიათ.
ზოდიაქოს ნიშნები, რომლებიც 2020 წელს დაწყვილდებიან>>
25 იანვარს დაბადებულებს არ ახასიათებს იდეალების ღალატი და ცდუნებებს აყოლა. უბედურებაც მხოლოდ აწრთობს მათ ხასიათს, თუ ღირსეულად გაივლიან ამ დაბრკოლებებს და სულითა და გულით პატიოსანი დარჩებიან. მათ უამრავი ნიჭი აქვთ, რომელთა პირად ურთიერთობებში გამოყენებას ხანდახან ვერ ახერხებენ.
ეს ადამიანები თავდაჯერებულნი არიან და ყოველთვის პოულობენ ძალას, ჩამოყალიბებული ნორმებისა და დოგმების წინააღმდეგ წავიდნენ. მათი ცხოვრების მთავარი თემა ხშირად ბედისა და თავისუფალი ნების დაპირისპირებაა - ხშირად ფიქრობენ, თვითონ უნდა აირჩიონ თავისი ბედი თუ ფატალურად მიიღონ წინასწარ განსაზღვრული ბედისწერა. ამაზე ერთგვაროვან პასუხს ვერ პოულობენ. ამაში მათ დაეხმარება სხვადასხვა მინიშნებები, სიმბოლოები და ა. შ. ამ დღეს დაბადებულებისთვის მთავარია დისციპლინა და მოთმინების უნარის გამოწრთობა - დანარჩენი ყველაფერი მოგვარდება.
ჯანმრთელობა
მარცხის მომენტებში 25 იანვარს დაბადებულები პანიკისა და უკან დახევისკენ არიან მიდრეკილი. ასეთი შემთხვევები თავიდან უნდა აირიდონ, რადგან ეს მათ ნერვულ სისტემაზე უარყოფითად აისახება. ასაკში შეიძლება გაუჩნდეთ სისხლის მიმოქცევის პრობლემები, რაც ალცჰეიმერისა და სხვა დაავადებას იწვევს. დაავადებების პროფილაქტიკისთვის მათთვის ზედგამოჭრილია დიეტური კვება და თამბაქოზე უარის თქმა, რაციონიდან თუ ამოიღებენ ცილებს, ცხიმებსა და რძის პროდუქტებს, ძალიან კარგი იქნება. ფიზიკური ვარჯიშების დროს გულის მუშაობის ზედმეტად დატვირთვა არ არის რეკომენდებული. ასევე, სათანადო, პოზიტიურ კალაპოტში უნდა მოაქციონ ემოციური და სექსუალური მხარეები, ამ კუთხით ზედმეტი თავშეკავება მათთვის მავნებელია.
ზოდიაქოს ნიშნების ახირებები, ანუ იუმორნარევი დახასიათება>>
რჩევა:
მუდამ მოძრაობაში იყავით, გაჩერება თქვენთვის არ შეიძლება. იყავით მოვლენების საქმის კურსში, რეალურად შეაფასეთ ვითარება. დაიტოვეთ უფლება, იყოთ ის, ვინც ხართ. ისწავლეთ ადეკვატურად მოქმედება. იყავით უდრეკი და შეინარჩუნეთ ოპტიმიზმი. ცვლილებები სწორედ თქვენთვისაა შექმნილი.
