ყველა ქალი თავისებური სილამაზით გამოირჩევა. ასტროლოგების აზრით, ზოგიერთ ნიშანში მშვენიერება ჭარბობს, ზოგი - იდუმალებითაა მოცული, ზოგი თავისი კეთილშობილებითა და სიკეთით გვხიბლავს, ზოგიც - შრომისმოყვარეობით. გაეცანით ჩვენს ჰოროსკოპს და გაიგეთ, ზოდიაქოს რომელი ნიშნების წარმომადგენელი ქალები არიან ყველაზე მეტად ორიგინალური და საბედისწერო.
მშვილდოსანი: საკმაოდ ორიგინალური და კაშკაშა პიროვნებები არიან. უყვართ რომ საინტერესოდ და მდიდრულად გამოიყურებოდნენ. არ ეშინიათ ექსპერიმენტების, სამოსში თამამი ფერების შეხამების. არიან საინტერესო და მხიარული, ბუნებრივი და თავისუფალი ცრურწმენებისგან.
მერწყული: ზოდიაქოს ნიშნებს შორის ყველაზე არაპროგნოზირებადი ქალები არიან, მაგრამ, ამავე დროს, ძალზე მომხიბლავი. იცვამენ განსხვავებულად; შეუძლიათ, ხაზი გაუსვან თავიანთ ინდივიდუალობას და არ ეშინიათ, რომ იყვნენ კაშკაშა და ორიგინალურები. ისინი აღტაცებას იწვევენ თავიანთი ბუნებრიობით, გულგახსნილობითა და არაორდინალური საქციელით.
მორიელი: მორიელმა ქალებმა დიდი ხანია, საბედისწერო ქალების სახელი დაიმკვიდრეს. ისინი ასხივებენ მგზნებარებას, ვნებას, ძალას, ქარიზმას. არ ეშინიათ, რომ იყვნენ კაშკაშა ნატურები, ხშირა ირჩევენ ორიგინალურ სამოსს და იქცევიან განსხვავებულად. მაგრამ, ამავე დროს მორიელი ქალები ინარჩუნებენ იდუმალებას, რომელსაც მამაკაცები ისე ეტანებიან, როგორც პეპელა ცეცხლს.
ლომი: ლომ ქალებს შესანიშნავი გემოვნება აქვთ და შეუძლიათ თავიანთი ინდივიდუალობის ხაზგასმა. თავდაჯერებულ პიროვნებებს არ აშინებს ორიგინალობა და სიკაშკაშე. ისინი გამოირჩევიან ადამიანებს შორის და თავიანთი უზარმაზარი ქარიზმით ბრწყინავენ. ახასიათებთ შესანიშნავი მანერები და კაშკაშა, დასამახსოვრებელი გარეგნობა.
ქალები, რომელთაც გვერდით ძლიერი მამაკაცი სჭირდებათ - ზოდიაქოს ნიშნის მიხედვით>>
ვერძი: თავისი გარეგნობითა და დიდი შინაგანი ენერგიით ვერძი ქალები შეუდარებელნი არიან. გამოიყურებიან, როგორც საბედისწერო ლამაზმანები, იქცევიან თავდაჯერებულად და კეთილშობილურად. ვერძი ქალები აქტიურ ცხოვრებას ეწევიან, საკუთარ თავს უვლიან. არიან საოცარი და შეუდარებელი თავიანთი ორიგინალურობით, ადვილად იპყრობენ გარშემომყოფთა გულებს.
