„დაასრულე კომენდანტი“: აქტივისტები პროტესტის ნიშნად პარლამენტთან ღამეს გაათენებენ

© Sputnik / Vladimir Umikashviliსაპროტესტო აქცია პარლამენტთან
საპროტესტო აქცია პარლამენტთან - Sputnik საქართველო, 1920, 03.04.2021
გამოწერა
საპროტესტო აქცია ცოცხალი მუსიკით დაიწყება და მთელი ღამე გაგრძელდება. მონაწილეებისთვის დაუკრავენ მუსიკალური ჯგუფები და ელექტრონული მუსიკის შემსრულებლები

თბილისი, 3 აპრილი - Sputnik. სამოქალაქო მოძრაობები ერთიანდებიან, რათა შაბათს, 3 აპრილს პარლამენტთან „კომენდანტის საათის“ და მისი დარღვევისთვის ჯარიმების გაუქმების მოთხოვნით საპროტესტო აქცია გამართონ.

თბილისი - Sputnik საქართველო, 1920, 30.03.2021
როდის გაუქმდება „კომენდანტის საათი“? მთავრობის განმარტება

საზოგადოებრივი მოძრაობების - „სირცხვილია“, „დროა“, „შეცვალე“, „დემოკრატიული მომავლისთვის“, „გირჩი“, „სოცაფეთქება“ და სხვა ორგანიზაციების წარმომადგენლები სხვადასხვა ლოკაციაზე შეიკრიბებიან, მარშით გაივლიან ფილარმონიამდე და შემდეგ ერთად გაემართებიან პარლამენტისკენ, სადაც ერთობლივ მიტინგს 18:00 საათზე გამართავენ. ისინი ასევე მოუწოდებენ პოლიტიკურ პარტიებს შეუერთდნენ მათ აქციას და პროტესტი ერთად გამოხატონ.

„ბოლო ერთი წლის განმავლობაში, არცერთი კვლევით არ დადასტურებულა მ ხ ო ლ ო დ კომენდანტის საათის გონივრულობა პანდემიასთან ბრძოლაში. მთელ მსოფლიოში კომენდანტის საათი არის დროებითი ღონისძიება, დროის მოსაგებად, ვირუსთან ბრძოლის მოსამზადებლად, ვაქცინაციის კამპანიის დასაგეგმად. უკვე ერთი წელია შეზღუდული გვაქვს გადაადგილების უფლება 21:00-ის შემდეგ. დაუსრულებელი კომენდანტის საათი აუარესებს ჩვენს ფსიქიკურ ჯანმრთელობას“, - ნათქვამია ორგანიზატორების განცხადებაში.

ასევე ხაზგასმულია, რომ გადაადგილების შეზღუდვა ქვეყნის ეკონომიკას ანგრევს, ხოლო საზოგადოებრივი ტრანსპორტი „კომენდანტის საათის“ გამო ხელოვნურად არის გადატვირთული და მასში მყოფი ადამიანები ინფიცირების რისკის ქვეშ არიან.

თამარ გაბუნია - Sputnik საქართველო, 1920, 02.04.2021
დაწესდება თუ არა შეზღუდვები სააღდგომოდ – თამარ გაბუნიას განმარტება

საპროტესტო აქცია ცოცხალი მუსიკით დაიწყება, მთელი ღამის განმავლობაში მონაწილეებისთვის დაუკრავენ მუსიკალური ჯგუფები და ელექტრონული მუსიკის ისეთი შემსრულებლები, როგორებიცაა Killages, Loudspeakers, „რეზო და ბავშვები“, St. Nudes და სხვ.

ორგანიზატორები ასევე მოუწოდებენ აქციის მონაწილეებს, არ დაავიწყდეთ პირბადეები და დისტანციის დაცვა.

საქართველოში „კომენდანტის საათი“ 21:00 საათიდან 05:00 საათამდე მოქმედებს და 2020 წლის ნოემბრიდან, ეპიდსიტუაციის გაუარესების შემდეგ მოქმედებს. მისი დარღვევა 2 ათას ლარიან ჯარიმას იწვევს.

ყველა ახალი ამბავი
0