ქართული ოპოზიციის ნაწილი მზად არის გარკვეული პირობებით პარლამენტში შევიდეს

© Sputnik / Alexander Imedashviliოპოზიციის კარვები პარლამენტის წინ
ოპოზიციის კარვები პარლამენტის წინ - Sputnik საქართველო, 1920, 27.03.2021
გამოწერა
ცხრა ოპოზიცურმა პარტიამ ხელი მოაწერა განცხადებას, რომელშიც აუცილებელი რეფორმების გატარების მიზნით და მოქმედ ხელისუფლებას მოსალაპარაკებლად პარლამენტში შესვლის მზადყოფნას გამოთქვამს

თბილისი, 27 მარტი – Sputnik. საქართველოში ევროპიდან ფასილიტატორის ჩამოსვლამდე ოპოზიციური პარტიების ნაწილმა პარლამენტში შესვლის შესახებ განაცხადა და ამისათვის გარკვეული პირობები დაასახელეს.

მიმართვას არ შეუერთდნენ რესპუბლიკური პარტია და „სტრატეგია აღმაშენებელი“.

კრისტიან დანიელსონი - Sputnik საქართველო, 1920, 26.03.2021
მცდელობა №2: საქართველოში კრისტიან დანიელსონს ელოდებიან

ამაღამ საქართველოში პოლიტიკური კრიზისის გადასაჭრელად ევროპული საბჭოს პრეზიდენტ შარლ მიშელის წარმომადგენელი, კრისტიან დანიელსონი ჩამოდის. ეს ევროპის მხრიდან უკვე მეორე მცდელობაა, საქართველოში მიმდინარე პოლიტიკური პროცესები ქუჩიდან პარლამენტში დააბრუნოს.

„ჩვენ გვესმის, რომ ნორმალურ პოლიტიკურ ვითარებაში ყველა პოლიტიკური ძალის ადგილი, ვინც მანდატი მოიპოვა, პარლამენტშია, იქ, სადაც პოლიტიკური საკითხები უნდა წყდებოდეს. სწორედ ამ პუნქტებში ჩამოყალიბებული ამოცანების შესასრულებლად აუცილებელი რეფორმების გასატარებლად და დღევანდელ მთავრობასთან შეთანხმების მიღწევის შემთხვევაში ვართ მზად, შევიდეთ დღევანდელ პარლამენტში“, - ნათქვამია ცხრა პარტიის მიერ ხელმოწერილ განცხადებაში.

აქვე აღინიშნა, რომ ოპოზიციას პარლამენტში რაიმე თანამდებობები არ აინტერესებს.

„ოპოზიციის ინტერესშია არა დღევანდელ პარლამენტში კონკრეტული თანამდებობების დაკავება, არამედ ზოგადად ტრადიციის შექმნა საპარლამენტო კონტროლში ნებისმიერი ოპოზიციის ეფექტიანი მონაწილეობისთვის“, - ნათქვამია განცხადებაში.

ამასთან პარტიები აღნიშნავენ, რომ ესმით, რამდენად მნიშვნელოვანია საქართველოს დემოკრატიული განვითარებისთვის ხელისუფლებასთან შეთანხმების მიღწევა, მაგრამ ისინი პარლამენტში გარკვეული პირობებით დაბრუნდებიან - მთავარი არის ვადამდელი არჩევნების დანიშვნის საკითხი. ამასთან ოპოზიციაში მიუთითებენ, რომ ოპოზიციის შიგნით ამ საკითხზე აზრთა სხვადასხვაობა არსებობს.

მამუკა ხაზარაძე. „ლელომ“ ახალი აქცია დაიწყო - Sputnik საქართველო, 1920, 25.03.2021
ვადამდელი არჩევნების მოთხოვნით პარტია „ლელომ“ ხელმოწერების შეგროვება დაიწყო

„ზოგი ჩვენგანი თვლის, რომ ერთადერთი გზა ახლა პირდაპირ ვადამდელი არჩევნების დანიშვნაა, ზოგმა კი, კრიზისის განმუხტვის მიზნით ვადამდელი არჩევნების დანიშვნის შესახებ უმრავლესობის აზრის გაგებას, პლებისციტს დაუჭირა მხარი“, - აღნიშნულია განცხადებაში.

ამავე დროს ოპოზიცია აღნიშნავს, რომ მათთვის მიუღებელია საპარლამენტო არჩევნების დანიშვნის საკითხი 2021 წლის ადგილობრივ არჩევნებს მიებას.

„ხელისუფლების წარმომადგენლები საჯაროდ ამ საკითხის განხილვაზე კატეგორიულ უარს აცხადებენ, არასაჯაროდ კი, გამოსავლად საპარლამენტო არჩევნების დანიშვნის საკითხის თვითმმართველობის არჩევნების შედეგზე მიბმას გვთავაზობენ.  ამ ორი პრინციპულად და შინაარსობრივად  განსხვავებული არჩევნების ერთმანეთთან დაკავშირება იწვევს თვითმმართველობისა და საპარლამენტო მმართველობის შესახებ მოქალაქეების გადაწყვეტილების მიღების პროცესების აღრევას. ასეთი მოდელი მხოლოდ დამაბნეველი იქნება საზოგადოებისათვის მაშინ, როდესაც ამომრჩევლებს  მარტივი და მკაფიო არჩევანი უნდა ჰქონდეთ, და შესაბამისად, არ გამოდგება ტესტად ვადამდელი არჩევნების საკითხზე. სწორედ ამიტომ, ვერც ერთ შემთხვევაში ვერ დავუჭერთ ამ მოდელს  მხარს“, - ნათქვამია განცხადებაში.

განცხადებაში მითითებულია, რომ მოთხოვნებს შორის რჩება ციხეში მყოფი „ერთიანი ნაციონალური მოძრაობის“ ლიდერის, ნიკა მელიას და „მთავარი არხის“ თანამფლობელის, გიორგი რურუას გათავისუფლება.

ოპოზიციამ ასევე გააჟღერა მოთხოვნები საარჩევნო სისტემის რეფორმასთან დაკავშირებით.

სოზარ სუბარი - Sputnik საქართველო, 1920, 26.03.2021
სოზარ სუბარი: ნიკა მელიას გათავისუფლება წუთის საქმეა, ამის გასაღები მის ხელშია

„არჩევნები უნდა ტარდებოდეს სრულად პროპორციული, ბუნებრივბარიერიანი ან მასთან მიახლოებული სისტემით, რადგან ეს არის ერთადერთი გამოსავალი როგორც დღეს არსებული პოლარიზაციის, ისე ათწლეულობით მოუშორებელი ერთპიროვნული/ერთპარტიული მმართველობის დასასრულებლად“, - ნათქვამია განცხადებაში.

რაც შეეხება საარჩევნო ადმინისტრაციას, ოპოზიციის აზრით, მისი ფორმირების და ფუნქციონირების წესებმა შეუძლებელი უნდა გახადონ მმართველი პარტიის სრული დომინირება.

განცხადებაში აგრეთვე საუბარია სასამართლო სისტემის რეფორმის აუცილებლობაზე.

დასავლელი შუამავლები უკვე რამდენიმე თვეა ცდილობენ საქართველოში შექმნილ ვითარებაზე გავლენის მოხდენას, მაგრამ ჯერ უშედეგოდ – პოლიტიკური კრიზისი ღრმავდება. საპარლამენტო არჩევნებიდან თითქმის ხუთი თვის შემდეგ ოპოზიცია კვლავ უარს ამბობს საკანონმდებლო ორგანოს მუშაობაში მონაწილეობაზე და ვადამდელ არჩევნებს ითხოვს. ხელისუფლება კი ამ საკითხს „წითელ ხაზად“ მიიჩნევს და ოპოზიციას მოლაპარაკებებზე სხვა საკითხებზე კონცენტრირებას სთავაზობს.

 

ყველა ახალი ამბავი
0