გახარია: აბაშიძე-კარასინის ფორმატს თავისი თავი არ ამოუწურავს

© photo : Government of Georgia / FBგიორგი გახარია
გიორგი გახარია - Sputnik საქართველო
გამოწერა
მოლაპარაკებების ერთ-ერთი მთავარი შედეგი გახდა 2013 წელს ემბარგოს მოხსნა ქართულ საქონელზე. იმ დროიდან სავაჭრო ურთიერთობები საქართველოსა და რუსეთს შორის წლიდან წლამდე უმჯობესდება.

თბილისი, 24 დეკემბერი – Sputnik. რუსეთთან ურთიერთობების მოგვარების საკითხებში საქართველოს პრემიერ–მინისტრის სპეციალური წარმომადგენლის ზურაბ აბაშიძისისა და რუსეთის ფედერაციის სენატორ გრიგორი კარასინს შორის დიალოგის ფორმატი უნდა გაგრძელდეს, მას თავისი თავი ჯერ არ ამოუწურავს, განაცხადა საქართველოს პრემიერ–მინისტრობის კანდიდატმა გიორგი გახარიამ პარლამენტში დეპუტატების კითხვებზე პასუხისას. 

პრაღა - Sputnik საქართველო
აბაშიძისა და კარასინის პირისპირ შეხვედრა შეიძლება 2021 წლის პირველ კვარტალში გაიმართოს

„აბაშიძე–კარასინის ფორმატს საკუთარი თავი ჯერ არ ამოუწურავს.  ეს  არის პირდაპირი დიალოგის ერთადერთი არხი ეკონომიკური და ჰუმანიტარული საკითხების განსახილველად... მასზე უარის თქმა არ შეიძლება და ჩვენ იგი მაქსიმალურად უნდა გამოვიყენოთ“, – განაცხადა გახარიამ პარლამენტში გამოსვლისას.

პრაღის მოლაპარაკებების ფორმატი 2012 წლის დეკემბერში, საქართველოში ხელისუფლების შეცვლის შემდეგ ამოქმედდა. აბაშიძე და კარასინი განიხილავენ ვაჭრობასთან, ტურიზმთან და ჰუმანიტარულ საკითხებთან დაკავშირებულ თემებს.

რუსეთსა და საქართველოს შორის დიპლომატიური ურთიერთობები არ არსებობს. დიალოგი ქვეყნებს შორის ჟენევის დისკუსიების ფარგლებშია შენარჩუნებული. ურთიერთობები ქვეყნებს შორის ქართულმა მხარემ მას შემდეგ გაწყვიტა, რაც 2008 წლის 26 აგვისტოს მოსკოვმა აფხაზეთისა და სამხრეთ ოსეთის სუვერენიტეტი აღიარა.

ყველა ახალი ამბავი
0