უსკო: აჭარაში ამომრჩეველთა აქტივობამ 15 საათისთვის 18,73% შეადგინა

© Sputnik / STRINGERსაპარლამენტო არჩევნების მეორე ტური
საპარლამენტო არჩევნების მეორე ტური - Sputnik საქართველო
გამოწერა
აჭარაში, საპარლამენტო არჩევნებთან ერთად, აჭარის უმაღლესი საბჭოს არჩევნები რეგიონის ორ საარჩევნო ოლქში (ბათუმისა და მაღალმთიანეთის ოლქებში) ტარდება.

თბილისი, 21 ნოემბერი - Sputnik. აჭარაში, 15:00 საათის მონაცემებით, ამომრჩეველთა საერთო რაოდენობის 18,73%  პროცენტმა უკვე გააკეთა არჩევანი, ნათქვამია აჭარის უმაღლეს საარჩევნო კომისიის (უსკო) მიერ გავრცელებულ განცხადებაში.

უსკოს ცნობით, ბათუმის N28 ოლქში 15:00 საათის მონაცემებით ხმა მისცა ამომრჩევლების 15,25%-მა - სულ 22 452 -მა ამომრჩეველმა.

არჩევნების მეორე ტური - Sputnik საქართველო
„სამართლიანი არჩევნები“: მეორე ტურზე სხვადასხვა სახის დარღვევები დაფიქსირდა

ხელვაჩაურის, ქედის, შუახევისა და ხულოს N30 ოლქში კი, უსკოს ცნობით, 15:00 საათის მონაცემებით ხმა მისცა ამომრჩევლების 24,02%-მა (23 229 ამომრჩეველმა).

დღეს აჭარის ორ მაჟორიტარულ ოლქში საქართველოს პარლამენტისა და უმაღლესი საბჭოს არჩევნების მეორე ტური იმართება. 28-ე ბათუმისა და 30-ე ხელვაჩაურის, ქედის, შუახევისა და ხულოს მაჟორიტარულ საარჩევნო ოლქში საარჩევნო უბანზე მისული ამომრჩეველი ორ ბიულეტენს მიიღებს, ყვითელს - აჭარის უმაღლესი საბჭოს მაჟორიტარული, ხოლო ვარდისფერს - საქართველოს პარლამენტის მაჟორიტარული არჩევნებისთვის.

აჭარაში ამომრჩევლებს 300 საარჩევნო უბანი ემსახურება ( მათ შორისაა გამონაკლის შემთხვევაში შექმნილი 1 უბანი პენიტენციურ დაწესებულებაში) და სტაციონარულ სამკურნალო დაწესებულებებსა და იზოლაციაში (კარანტინი, თვითიზოლაცია) მყოფი ამომრჩევლების არჩევნებში მონაწილეობის უზრუნველყოფის მიზნით შექმნილი 20 სპეციალური უბანი.

ამომრჩეველთა საერთო რაოდენობა უმაღლესი საბჭოს მეორე ტურისათვის ორ მაჟორიტარულ ოლქში ჯამში 243 892 ამომრჩეველს შეადგენს.

 

ყველა ახალი ამბავი
0