ნაკლებად დემოკრატიული: ქართულმა არასამთავრობოებმა არჩევნები შეაფასეს

გამოწერა
საქართველოში 31 ოქტომბერს საპარლამენტო არჩევნები ჩატარდა, რომელშიც 48 პარტია და ორი საარჩევნო ბლოკი მონაწილეობდა. ოპოზიცია არჩევნების შედეგებს არ ცნობს და მის არალეგიტიმურად გამოცხადებას მოითხოვს.

თბილისი, 4 ნოემბერი – Sputnik. საქართველოს მთავრობამ ვერ უზრუნველყო არჩევნების დემოკრატიული სტანდარტების შესაბამისად ჩატარება – ასეთია საქართველოს არასამთავრობო ორგანიზაციების შეფასება

თამარ ჟვანია - Sputnik საქართველო
თამარ ჟვანია: ცესკო 8 ათასამდე ოქმის სიზუსტეს სწავლობს

უფრო მეტიც, არასამთავრობო ორგანიზაციების შეფასებით, 2020 წლის საპარლამენტო არჩევნები „ქართული ოცნების“ ხელისუფლების პირობებში (2012 წლის შემდეგ – რედ.) ჩატარებულ არჩევნებს შორის ყველაზე ნაკლებ დემოკრატიული და თავისუფალი იყო.

წინასაარჩევნო პერიოდში პოლიტიკურ პარტიებს შესაძლებლობა ჰქონდათ საარჩევნო კამპანია მნიშვნელოვანი შეზღუდვების გარეშე ეწარმოებინათ, თუმცა კამპანიის დროს ადგილი ჰქონდა ძალადობრივ დაპირისპირებას, ამომრჩევლებსა და ჟურნალისტებზე ზეწოლისა და მუქარის ფაქტებს, რომელთაც, როგორც წესი, არ მოჰყოლია ქმედითი გამოძიება, აღნიშნავენ ადგილობრივი დამკვირვებლები.

ამასთან, წინასაარჩევნო პერიოდი ხასიათდებოდა მმართველი პარტიის მხრიდან ადმინისტრაციული რესურსის უპრეცედენტო გამოყენებით, ამტკიცებენ უფლებადამცველები.

თალაკვაძე: დამკვირვებლებმა კიდევ ერთხელ დაადასტურეს რომ არჩევნები კონკურენტული იყო>>>

ასევე აღნიშნულია, რომ პრობლემას წარმოადგენდა ცენტრალური საარჩევნო კომისიის მიერ არჩევნების პირველადი შედეგების დაგვიანებით, საარჩევნო უბნების დახურვიდან დაახლოებით შვიდი საათის შემდეგ გამოქვეყნება, რაც ბოლო რვა წლის მანძილზე დამკვიდრებული პრაქტიკის გაუარესებად უნდა შეფასდეს. ეს კითხვები კიდევ უფრო გამძაფრდა მას შემდეგ, რაც საზოგადოებამ აღმოაჩინა, რომ საარჩევნო უბნების 8%-ის შემთხვევაში ხმის დათვლის ოქმებში არსებობდა გარკვეული დისბალანსი.

„ამ გარემოებების გათვალისწინებით, არასამთავრობო ორგანიზაციები მოვითხოვთ იმ უბნების შედეგების ხელახალ დათვლას, რომელთა ოქმებშიც დისბალანსი შეიმჩნევა, ასევე წარდგენილი საჩივრების კანონიერად და მიუკერძოებლად განხილვას”, – აღნიშნულია განცხადებაში.

უფლებადამცველები ასევე აცხადებენ, რომ 2020 წლის საპარლამენტო არჩევნები დემოკრატიის დაბალი ხარისხით გამოირჩეოდა, რაც უარყოფითად აისახება ჩვენი ქვეყნის სტაბილურ განვითარებაზე. 

ირაკლი კობახიძე - Sputnik საქართველო
„პასუხს ოპოზიცია აგებს“ – კობახიძე მონოპარტიული პარლამენტის პერსპექტივაზე

საქართველოში 31 ოქტომბერს საპარლამენტო არჩევნები ჩატარდა, რომელშიც 48 პარტია და ორი საარჩევნო ბლოკი მონაწილეობდა. ოპოზიცია არჩევნების შედეგებს არ ცნობს და მის არალეგიტიმურად გამოცხადებას მოითხოვს. ცესკოს წინასწარი მონაცემებით პარლამენტში შესულმა პოლიტიკურმა სუბიექტებმა, პროტესტის ნიშნად, გუშინ ხელი მოაწერეს მემორანდუმს და დეპუტატის მანდატზე უარი განაცხადეს.

მართველ პარტიაში ოპოზიციის უკმაყოფილებას დესტრუქციად აფასებენ და მათ ქვეყანაში დესტაბილიზაციის მცდელობასა და ვითარების ხელოვნურად დაძაბვაში ადანაშაულებენ.

საქართველოს ცენტრალური საარჩევნო კომისიის თავმჯდომარემ თამარ ჟვანიამ განაცხადა, რომ ცესკო 31 ოქტომბერს გამართულ ყველა ტიპის არჩევნებში მექანიკური, ტექნიკური და ადამიანური შეცდომების შემცველ 7900-მდე ოქმს სწავლობს. ცესკოს თავმჯდომარემ აღიარა, რომ დარღვევები იყო, და ისინი თითოეულ ფაქტს სწავლობენ.

ყველა ახალი ამბავი
0