კუპატა პრემიერად! – „მოძრაობა ხალხისთვის“ თავის კანდიდატს ასახელებს

© Department of Tourism and Resorts of Adjaraბათუმელი „კუპატა"
ბათუმელი „კუპატა - Sputnik საქართველო
გამოწერა
ბათუმელი ძაღლი ლამის მთელი მსოფლიოსთვის გახდა ცნობილი ბავშვების სიყვარულის გამო, რომლებიც მას ბათუმის ქუჩებზე გადაჰყავს.

თბილისი, 8 აგვისტო – Sputnik. ცნობილი მიუსაფარი ძაღლი „კუპატა“, რომელსაც ბათუმში ბავშვები ქუჩაზე გადაჰყავს, „მოძრაობა ხალხისთვის“ ლიდერმა, დიდუბე–ჩუღურეთის ოლქში მაჟორიტარი დეპუტატობის კანდიდატმა ანა დოლიძემ ქვეყნის პრემიერ-მინისტრობის კანდიდატად დაასახელა.

სააკაშვილმა დაასახელა ვადა, რომლის განმავლობაშიც „საქართველოს ჭაობიდან ამოათრევს“>>

„კუპატამ“ მთელ მსოფლიოში გაითქვა სახელი მას შემდეგ, რაც ქსელში გამოჩნდა ვიდეო, სადაც ჩანს, თუ როგორ ეხმარება ის ბავშვებს ქუჩაში გადასვლაში – ავტომობილებს ყეფით აჩერებს. ამგვარი „გმირობისთვის“ ადგილობრივმა ხელისუფლებამ ძაღლს დაუდგა ჯიხური წარწერით „ქალაქის რჩეული“ და ის ბათუმის სიმბოლოდ აქცია.

მიხეილ სააკაშვილი - Sputnik საქართველო
„მობრძანდეს“ – გახარია სააკაშვილის საქართველოში შესაძლო დაბრუნების შესახებ

„მეგობრებო, კამპანია დაწყებული არ იყო, ერთი გამოხტა, პრემიერობა მინდაო. რა დროს პრემიერობაა, ჯერ არჩევნებია მოსაგები. ბოლოს ჩვენ ვითათბირეთ და წარვადგენთ ნამდვილად ღირსეულ კანდიდატს. მხარი დაუჭირეთ, უალტერნატივოა“, – წერს ანა დოლიძე თავის Facebook-გვერდზე.

ეს პოსტი Facebook-ზე გამოჩნდა მას შემდეგ, რაც „ერთიანმა ნაციონალურმა მოძრაობამ“ პრემიერობის კანდიდატად ექს–პრეზიდენტი მიხეილ სააკაშვილი დაასახელა, რომელსაც საქართველოში რიგი თანამდებობრივი დანაშაულების გამო დაუსწრებლად ექვსი წლით პატიმრობა აქვს მისჯილი. ამასთან, ის უკრაინის მოქალაქეა.

დოლიძეს მიაჩნია, რომ ამ ფონზე „კუპატას“ პრემიერობის მეტი შანსი აქვს, ვიდრე მის ამჟამინდელ კონკურენტებს.

სახლი კუპატასთვის: საქართველოს ყველაზე პოპულარულ ძაღლს უკვე თავისი კერა აქვს>>

დოლიძე „კუპატას“ ამგვარად ახასიათებს: ერთგული, პატიოსანი, კეთილი, მოსიყვარულე, მხიარული.

ყველა ახალი ამბავი
0