თბილისი, 20 აგვისტო – Sputnik. წინასაარჩევნო პროცესი საქართველოში, მიუხედავად კორონავირუსის პანდემიისა, მაღალი სტანდარტებით ჩატარდება, განაცხადა ქვეყნის პრემიერ-მინისტრმა გიორგი გახარიამ მთავრობის სხდომაზე.
საპარლამენტო არჩევნები საქართველოში 31 ოქტომბერს არის დაგეგმილი. ცესკო ამჟამად კორონავირუსის პირობებში არჩევნების ჩატარების წესებზე მუშაობს.
„გლობალური პანდემია, ისევე, როგორც გლობალური ეკონომიკური კრიზისი, გრძელდება, თუმცა ყველას კარგად უნდა გვახსოვდეს, რომ საქართველოს შემთხვევაში ჩვენთან პარალელურად მიმდინარეობს საარჩევნო პროცესი, რომელიც უმაღლესი ხარისხით უნდა ჩავატაროთ და ეს არის მთავრობის პასუხისმგებლობა“, – განაცხადა გახარიამ.
პრემიერმა ამასთანავე აღნიშნა, რომ ხელისუფლებისთვის პირველხარისხოვანი პრიორიტეტია მოქალაქეების ჯანმრთელობა.
ოპოზიცია ხელისუფლების მხრიდან მოსახლეობის დახმარებას არჩევნების წინ მოსყიდვად აფასებს.
საქართველოში არჩევნები 31 ოქტომბერსაა დაგეგმილი.
