ვინ დაიბარა და რატომ არ მიდის საქართველოს ვიცე-პრემიერი მაია ცქიტიშვილი პარლამენტში

© Sputnik / Asatur Yesayantsმაია ცქიტიშვილი
მაია ცქიტიშვილი - Sputnik საქართველო
გამოწერა
საპარლამენტო ოპოზიციამ მაია ცქიტიშვილი ანაკლიის პორტთან შექმნილი ვითარების გამო დაიბარა

თბილისი, 22 ოქტომბერი — Sputnik. საქართველოს ვიცე-პრემიერი, რეგიონული განვითარებისა და ინფრასტრუქტურის მინისტრი მაია ცქიტიშვილი არ აპირებს პარლამენტში მისვლას, სადაც იგი და „ანაკლიის განვითარების კონსორციუმის" გენდირექტორი ლევან ახვლედიანი დამოუკიდებელმა დეპუტატებმა დაიბარეს.

ნათია თურნავა - Sputnik საქართველო
„მიხედეთ საქმეს" – თურნავა „ანაკლიის განვითარების კონსორციუმს" მიმართავს

დეპუტატების განცხადებით, ღია ფორმატში ასეთი შეხვედრა საზოგადოებას საშუალებას მისცემს გაერკვიოს, კონკრეტულად რა ხდება საქართველოში პირველი ღრმაწყლოვანი პორტის პროექტთან დაკავშირებით და როგორია სახელმწიფოსა და კონსორციუმის პოზიციები.

„ამ პროექტს არ სჭირდება კიდევ ერთი პერფორმანსი, არ სჭირდება პარლამენტში ღია განხილვა და ღია შეხვედრის მოწყობა „ანაკლიის განვითარების კონსორციუმსა" და მთავრობას შორის. ჩვენ ამ შეხვედრას აუცილებლად გავმართავთ, აუცილებლად გავმართავთ სამუშაო ფორმატში და არა პარლამენტში, სადაც შევეცდებით მოვძებნოთ ორივე მხარისთვის, ამ პროექტის წარმატებისთვის აუცილებელი გამოსავალიაუცილებლად გავმართავთ შეხვედრას სამუშაო ფორმატში და არა პარლამენტში", - განაცხადა ცქიტიშვილმა ჟურნალისტებთან.

მისი სიტყვებით, კონსორციუმთან დიალოგის პრობლემა მათ არ აქვთ. გარდა ამისა, მთავრობა პროექტთან დაკავშირებით საკუთარ პოზიციას ყოველთვის ღიად აფიქსირებდა.

ანაკლიის პორტის მშენებლობა - Sputnik საქართველო
მთავრობა დათმობაზე წავიდა – თანხა ანაკლიის პორტისთვის წლის ბოლომდე უნდა გამოინახოს

„და ახლა, ჩვენ ერთად უშუალოდ ვთანხმდებით ამ კვირის განმავლობაში იმ დროზე, რომელიც ორივე მხარისთვის იქნება მისაღები", - აღნიშნა ვიცე-პრემიერმა.

საქართველოს ხელისუფლებამ გადაწყვიტა „ანაკლიის განვითარების კონსორციუმს" კიდევ ერთხელ მისცეს დამატებითი დრო ქვეყნის პირველი ღრმაწყლოვანი პორტის მშენებლობისთვის ყველა აუცილებელი პირობის შესასრულებლად. კონსორციუმი, თავის მხრივ, ხელისუფლებას დაბრკოლებების შექმნაში ადანაშაულებს.

„ანაკლიის განვითარების კონსორციუმი" ქართულმა კომპანია TBC Holding-მა და ამერიკულმა კომპანია Conti International LLC-მ დააფუძნეს. კონსორციუმში შედიან ასევე SSA Marine (აშშ), British Wondernet Expres (ცენტრალური აზია) და G-Star Ltd. (ბულგარეთი).

ანაკლიის ღრმაწყლოვანი პორტის მშენებლობა 2017 წელს დაიწყო.

პორტის მუშაობის დაწყების დროს 2021 წელი სახელდებოდა. პროექტის საერთო ღირებულება 2,5 მლნ დოლარია.

ყველა ახალი ამბავი
0