17:35 13 ნოემბერი 2019
პირდაპირი ეთერი
  • EUR3.2645
  • 100 RUB4.6247
  • USD2.9618
პრაღა

აბაშიძემ და კარასინმა მორიგი შეხვედრის თარიღი განიხილეს

© photo: Sputnik / Alexei Danichev
პოლიტიკა
მოკლე ბმულის მიღება
ქართულ–რუსული ურთიერთობები (122)
106 0 0

ზურაბ აბაშიძემ და გრიგორი კარასინმა სატელეფონო საუბრისას პრაღაში მორიგი შეხვედრის თარიღი განიხილეს.

თბილისი, 28 მაისი — Sputnik. საქართველოს პრემიერ-მინისტრის სპეციალურმა წარმომადგენელმა ზურაბ აბაშიძემ და რუსეთის საგარეო საქმეთა მინისტრის მოადგილემ გრიგორი კარასინმა სატელეფონო საუბრის დროს ქართულ-რუსული ურთიერთობების პრაქტიკული საკითხები განიხილეს, ნათქვამია რუსეთის საგარეო უწყების განცხადებაში.

„განიხილეს ორმხრივი ურთიერთობების ზოგიერთი პრაქტიკული საკითხი, ასევე მორიგი შეხვედრის თარიღი არაფორმალური დიალოგის ფარგლებში რუსულ-ქართული ურთიერთობების მოგვარების ნორმალიზების გზებზე", – აღნიშნულია განცხადებაში.

უფრო ადრე აბაშიძემ „Sputnik-საქართველოს" განუცხადა, რომ შეხვედრა, სავარაუდოდ, ივლისის მეორე ნახევარში გაიმართება.

აბაშიძის და კარასინის შეხვედრა ივლისში შედგება>>

დიპლომატის განცხადებით, შეხვედრის დღის წესრიგში იქნება სავაჭრო-ეკონომიკური კავშირების, სატრანსპორტო კომუნიკაციებისა და ასევე ჰუმანიტარული საკითხების განხილვა.

დიპლომატიური ურთიერთობები საქართველოსა და რუსეთს შორის თბილისის გადაწყვეტილებით 2008 წლის აგვისტოს ომის შემდეგ მოსკოვის მიერ აფხაზეთისა და ცხინვალის რეგიონის დამოუკიდებლობის აღიარების საპასუხოდ შეწყდა. თუმცა, 2012 წლის არჩევნების შემდეგ ხელისუფლებაში მოსული პარტია „ქართული ოცნების" წარმომადგენლებმა რუსეთთან ურთიერთობების მოგვარება საგარეო პოლიტიკის ერთ-ერთ მთავარ პრიორიტეტად დაასახელეს.

დიპლომატიური ურთიერთობების არარსებობის პირობებში რუსეთსა და საქართველოს შორის კონტაქტები ხორციელდება მხოლოდ ჟენევის დისკუსიებისა და აბაშიძისა და კარასინის პრაღაში რეგულარული შეხვედრების ფარგლებში.

პრაღის მოლაპარაკებები – ეს არის ქვეყნებს შორის არაფორმალური დიალოგი, რომელიც 2012 წელს დაიწყო. მხარეები ტრადიციულად ეკონომიკურ და ჰუმანიტარულ საკითხებს განიხილავენ.

რუსეთი საქართველოს სავაჭრო პარტნიორების სამეულში შედის. გარდა ამისა, სწრაფად იზრდება რუსი ტურისტების რაოდენობა. 2018 წელს ქვეყანას ესტუმრა 1,4 მილიონი რუსეთის მოქალაქე, რაც, 2017 წლის ანალოგიურ მაჩვენებელთან შედარებით, 23,8%-ით მეტია.

თემები:
ქართულ–რუსული ურთიერთობები (122)

მთავარი თემები