თბილისი, 25 მაისი - Sputnik. ცენტრალურმა საარჩევნო კომისიამ საქართველოს პარლამენტის 2019 წლის 19 მაისის შუალედური არჩევნების მეორე ტურისთვის რამდენიმე საარჩევნო ღონისძიება და ვადები განსაზღვრა, აღნიშნულია კომისიის ვებგვერდზე გავრცელებულ ინფორმაციაში.
პრემიერი: საპარლამენტო არჩევნების მეორე ტური მთაწმინდაზე მშვიდ გარემოში გაიმართება >>
„24 მაისს, კომისიაში გამართულ სხდომაზე, მეორე ტურის სავარაუდო თარიღად 9 ივნისი დასახელდა. ცენტრალური საარჩევნო კომისია, საარჩევნო კანონმდებლობის შესაბამისად, მეორე ტურის თარიღს ოფიციალურად 19 მაისის პარლამენტის შუალედური არჩევნების შედეგების შეჯამების შემდეგ გამოაცხადებს“, – ნათქვამია კომისიის ვებგვერდზე.
საარჩევნო კანონმდებლობის თანახმად, არჩევნების მეორე ტური იმართება პირველი ტურიდან არაუგვიანეს 25-ე დღისა.
საქართველოს პრემიერ-მინისტრი მამუკა ბახტაძე დარწმუნებულია, რომ მთაწმინდის ერთმანდატიან ოლქში საპარლამენტო არჩევნების მეორე ტური წყნარ და მშვიდობიან გარემოში გაიმართება.
კვირას ზუგდიდის, ჭიათურის, ხულოს, ზესტაფონისა და მარნეულის რაიონებში მერების რიგგარეშე არჩევნები ჩატარდა; საგარეჯოში, ახმეტაში, ადიგენში, ოზურგეთში, ჭიათურაში, ტყიბულში, წყალტუბოსა და ზესტაფონში კი - საკრებულოების შუალედური არჩევნები. რაც შეეხება საქართველოს პარლამენტს, კენჭისყრა თბილისის ცენტრალურ ვაკის რაიონში, მთაწმინდაზე გაიმართა.
მეორე ტური გაიმართება მხოლოდ მთაწმინდაში, სადაც ერთმანეთს დაუპირისპირდებიან კანდიდატი მმართველი პარტია „ქართული ოცნება - დემოკრატიული საქართველოდან“ ვლადიმერ (ლადო) კახაძე და კანდიდატი ოპოზიციური გაერთიანება „ევროპული საქართველო - თავისუფალი დემოკრატებიდან“ შალვა შავგულიძე. პირველმა ტურმა ექსცესების გარეშე ჩაიარა.
ცესკო-ს წინასწარი მონაცემებით, კახაძემ დააგროვა ამომრჩეველთა 41,01%, შავგულიძემ - 36,84%.
რაც შეეხება მეორე ტურში გამარჯვებულებს, ამ საკითხში ექსპერტების პროგნოზები ერთმანეთისგან განსხვავდება.