რამხელა ჯარიმები დაწესდა საქართველოში სექსუალური შევიწროებისთვის

© Sputnik / Alexander Imedashviliსაპატრულო პოლიცია
საპატრულო პოლიცია - Sputnik საქართველო
გამოწერა
სექსუალური შევიწროებისთვის ჯარიმა საქართველოში 300 ლარიდან დაიწყება

თბილისი, 3 მაისი - Sputnik. საქართველოს პარლამენტმა სამი მოსმენით მიიღო ცვლილებები საქართველოს ადმინისტრაციულ სამართალდარღვევათა კოდექსში. ცვლილებები ითვალისწინებს სასჯელს სექსუალური შევიწროებისთვის.

8 წლის გოგონას მიმართ გარყვნილი ქმედებისთვის დაკავებულ მამაკაცს პატიმრობა შეეფარდა >>

შესწორებების თანახმად, სექსუალურ შევიწროებად ჩაითვლება საზოგადოებრივ ადგილებში პირის მიმართ არასასურველი სექსუალური ხასიათის ქცევა, რომელიც მიზნად ისახავს ან იწვევს ღირსების შელახვას და ქმნის დამაშინებელ, მტრულ, დამამცირებელ ან შეურაცხმყოფელ გარემოს.

მამუკა ბახტაძე - Sputnik საქართველო
იზრდება თუ არა დანაშაული საქართველოში - პრემიერის სიტყვა პარლამენტში

შესწორებების ამოქმედების შემდეგ სექსუალური შევიწროება დაჯარიმდება 300 ლარით, განმეორებით დარღვევის შემთხვევაში - 500 ლარით ან გამოსასწორებელი სამუშაოებით ერთ თვემდე ვადით.

არასრულწლოვანი პირის, ფეხმძიმე ქალის, უძლური ან შეზღუდული შესაძლებლობების მქონე პირის მიმართ სექსუალური შევიწროებისთვის გათვალისწინებულია 500-დან 800 ლარამდე ჯარიმა. იგივე სასჯელი დაემუქრება იმას, ვინც ეჭვმიტანილი იქნება ადამიანის სექსუალურ შევიწროებაში არასრულწლოვანის თვალწინ.

მსგავსი ქცევის განმეორების შემთხვევაში, კანონდარღვევა დაისჯება 800-დან ათას ლარამდე ჯარიმით ან გამოსასწორებელი სამუშაოებით 1 თვემდე ვადით, ან ადმინისტრაციული პატიმრობით 10 დღის ვადით.

ყველა ახალი ამბავი
0