თბილისი, 7 თებერვალი — Sputnik. ქუთაისის ვიცე-მერმა გიორგი იობაშვილმა და იმერეთის ვიცე-გუბერნატორმა გრიგოლ დალაქიშვილმა თანამდებობები საკუთარი განცხადების საფუძველზე დატოვეს, იუწყება ტელეკომპანია Imedi.
თანამდებობის დატოვების ზუსტი მიზეზი ამ ეტაპზე უცნობია.
გიორგი იობაშვილი ქუთაისის მერის მოადგილედ გიორგი ჭიღვარიას მერად არჩევის შემდეგ დაინიშნა.
იმერეთის ვიცე-გუბერნატორი გრიგოლ დალაქიშვილი კი მანამდე ქუთაისის ვიცე-მერის თანამდებობას იკავებდა. დალაქიშვილი ვიცე-მერის პოზიციაზე სწორედ გიორგი იობაშვილმა შეცვალა, რომელიც მანამდე „ქართული ოცნების" საქალაქო ორგანიზაციის კოორდინატორი იყო.
ჯერჯერობით უცნობია, ვინ დაიკავებს აღნიშნულ თანამდებობებს.
