სექსუალური შევიწროება საქართველოში დასჯადი გახდება

© photo: Sputnik / Stringerოჯახური ძალადობა
ოჯახური ძალადობა - Sputnik საქართველო
გამოწერა
საქართველოში ჰარასმენტს ადმინისტრაციულ სამართალდარღვევად გამოცხადებენ

თბილისი, 4 თებერვალი — Sputnik. საქართველოს პარლამენტის გენდერული თანასწორობის საბჭომ მოამზადა საკანონმდებლო ცვლილებების პაკეტი, რომელიც სექსუალური შევიწროებისთვის ფულადი ჯარიმების შემოღებას გულისხმობს, იუწყება ტელეკომპანია Imedi.

ტელეარხის მონაცემებით, შესაბამისი ცვლილებები ადმინისტრაციულ სამართალდარღვევათა კოდექსში შევა, სადაც იქნება მითითებული, რომ სექსუალური შევიწროება - ეს არის სექსუალური ხასიათის ფრაზების გამოთქმა ან მიმართვა, გენიტალიების ჩვენება, ნებისმიერი სიტყვიერი, არასიტყვიერი და სექსუალური ხასიათის სხვა ფიზიკური ქცევა.

ლონდონის პოლიცია ქალაქის ქუჩებში - Sputnik საქართველო
უელსის მინისტრმა სექსსკანდალის გამო თავი მოიკლა

გარდა ამისა, სექსუალური შევიწროების ცნება საქართველოს შრომის კოდექსში გაჩნდება.

კანონპროექტის შემქმნელები სექსუალური შევიწროებისთვის 300 ლარის ოდენობით ჯარიმის შემოღებას სთავაზობენ, ხოლო ამ ქმედების ერთი წლის განმავლობაში ჩადენა - გამოიწვევს დაჯარიმებას 500 ლარის ოდენობით, ან გამასწორებელ სამუშაოებს ერთ თვემდე ვადით.

ამასთან, სექსუალური შევიწროება ჩადენილი წინასწარი შეცნობით არასრულწლოვნის, ორსულის, უმწეო მდგომარეობაში მყოფის, შეზღუდული შესაძლებლობების მქონე პირის მიმართ ან არასრულწლოვნის თანდასწრებით გამოიწვევს დაჯარიმებას 500-დან 800 ლარამდე ოდენობით. ამ ქმედების ერთი წლის განმავლობაში გამეორება გამოიწვევს დაჯარიმებას 800-დან 1000 ლარამდე ოდენობით, ან გამასწორებელ სამუშაოებს ერთ თვემდე ვადით, ან ადმინისტრაციულ პატიმრობას 10 დღემდე ვადით.

ყველა ახალი ამბავი
0