საგარეო საქმეთა მინისტრის სკანდინავიური ტურნე – ზალკალიანი სამ ქვეყანას ეწვევა

© photo: Sputnik / Alexey Danichev / გადასვლა მედიაბანკშიფინეთი. ჰელსინკი
ფინეთი. ჰელსინკი - Sputnik საქართველო
გამოწერა
სკანდინავიის ქვეყნებში ვიზიტის დროს, გარდა ოფიციალურ პირებთან მოლაპარაკებებისა, დაგეგმილია შეხვედრები ქართული დიასპორის წარმომადგენლებთან.

თბილისი, 12 ნოემბერი — Sputnik. საქართველოს საგარეო საქმეთა მინისტრი დავით ზალკალიანი სკანდინავიურ ტურნეში გაემგზავრა, რომლის დროსაც ის ეწვევა ფინეთს, ნორვეგიასა და დანიას, აღნიშნულია საგარეო უწყების ვებ-გვერდზე განთავსებულ განცხადებაში.

ზალკალიანი ოფიციალურ შეხვედრებს 12 ნოემბერს ფინეთში დაიწყებს. ოფიციალური ვიზიტის ფარგლებში ის შეხვედრას გამართავს თავის ფინელ კოლეგა ტიმო სოინისთან, რის შემდეგაც გაიმართება ორი ქვეყნის საგარეო საქმეთა მინისტრების პრესკონფერენცია.

თბილისი - Sputnik საქართველო
ნორვეგია საქართველოში საელჩოს გახსნის

საქართველოს პირველი დიპლომატი შეხვედრებს გამართავს ჰიბრიდული საფრთხეების ევროპული ცენტრის წარმომადგენლებთან, ასევე ეწვევა მანერჰეიმის მუზეუმს. საგარეო საქმეთა მინისტრი ფინეთში ქართული დიასპორის წარმომადგენლებს შეხვდება.

ზალკალიანი 13 ნოემბერს ვიზიტს ნორვეგიაში განაგრძობს და სამუშაო შეხვედრას გამართავს ამ ქვეყნის საგარეო უწყების ხელმძღვანელ ინე ერიქსენ სორაიდესთან. მოგვიანებით ის ნორვეგიის საგარეო საქმეთა სამინისტროში საჯარო ლექციას წაიკითხავს. ზალკალიანი ასევე გაეცნობა ნორვეგიის ეროვნული ბიბლიოთეკის ქართული არქივების გამოფენას.

საგარეო საქმეთა მინისტრი შეხვდება ნორვეგიის პარლამენტის დეპუტატებს, საგარეო საქმეთა და თავდაცვის საპარლამენტო კომიტეტების თავმჯდომარეებს.

ზალკალიანი ქართული დიასპორის წარმომადგენლებს, ფინეთის მსგავსად, ნორვეგიაშიც შეხვდება. ვიზიტის ფარგლებში ასევე გაიმართება დოკუმენტური ფილმის „ნორვეგიასა და საქართველოს შორის დიპლომატიური ურთიერთობების დასაწყისი", რომელიც საქართველოს პირველი დემოკრატიული რესპუბლიკის 100 წლისთავს ეძღვნება.

ანგელა მერკელი და გრიგოლ ვაშაძე - Sputnik საქართველო
საქართველოს პრეზიდენტობის კანდიდატი ფინეთში მერკელს შეხვდა

ნორვეგიაში ზალკალიანი ორ დღეს დაჰყოფს და 15 ნოემბერს დანიის სამეფოში გადაინაცვლებს, სადაც შეხვდება თავის დანიელ კოლეგას ანდერს სამუელსენსა და ინტეგრაციისა და იმიგრაციის მინისტრს ინგერ სტოიბერგს.

დანიაში ზალკალიანი შეხვდება დანიის პარლამენტის თავდაცვისა და საგარეო საქმეთა კომიტეტების წარმომადგენლებს, ასევე კოპენჰაგენის უნივერსიტეტის სამხედრო სწავლებების ცენტრში წაიკითხავს საჯარო ლექციას, რა დროსაც მიმოიხილავს რეგიონში არსებულ ვითარებასა და გამოწვევებს.

საგარეო უწყების ხელმძღვანელი ქართული დიასპორის წარმომადგენლებს დანიაშიც შეხვდება.

 

ყველა ახალი ამბავი
0