11:03 21 სექტემბერი 2018
პირდაპირი ეთერი
  • EUR3.0693
  • 100 RUB3.9538
  • USD2.6193
საგარეო საქმეთა სამინისტროს გერბი

რა სჭირდებათ უცხოეთში მცხოვრებ საქართველოს მოქალაქეებს პრეზიდენტის ასარჩევად

© Sputnik / Alexander Imedashvili
პოლიტიკა
მოკლე ბმულის მიღება
საქართველოს პრეზიდენტის არჩევნები 2018 (104)
14501

საზღვარგარეთ მყოფ საქართველოს მოქალაქეთა საყურადღებოდ საგარეო საქმეთა სამინსიტრო სპეციალურ განცხადებას ავრცელებს.

თბილისი, 11 სექტემბერი — Sputnik. 2018 წლის 28 ოქტომბერს დანიშნულ საქართველოს პრეზიდენტის არჩევნებში მონაწილეობის მიღების მიზნით, დაინტერესებული პირი უნდა იმყოფებოდეს საკონსულო აღრიცხვაზე ან უნდა იყოს რეგისტრირებული საზღვარგარეთ საქართველოს მოქმედი კანონმდებლობის შესაბამისად, იუწყება საგარეო საქმეთა სამინისტროს საკონსულო დეპარტამენტი.

„იმ მოქალაქეებს, რომლებიც არ დგანან საკონსულო აღრიცხვაზე, ასევე არა აქვთ გავლილი რეგისტრაცია საზღვარგარეთ, საარჩევნო მიზნებისთვის, საშუალება აქვთ, 2018 წლის 7 ოქტომბრის ჩათვლით, დადგნენ საკონსულო აღრიცხვაზე საქართველოს დიპლომატიურ წარმომადგენლობაში ან საკონსულო დაწესებულებაში  ან\და გაიარონ რეგისტრაცია შესაბამის სახელმწიფოში შექმნილ საუბნო საარჩევნო კომისიაში“, — აღნიშნულია საკონსულოს ვებგვერდზე გავრცელებულ ინფორმაციაში.

სამინისტროს ცნობით, საკონსულო აღრიცხვაზე დადგომა არ ითვალისწინებს მოსაკრებლის გადახდას, ხოლო საკონსულო აღრიცხვაზე დადგომასთან დაკავშირებით ინფორმაცია საკონსულო სამსახურის ვებგვერდზე არის მოცემული.

ემიგრანტებს საქართველოში უფასო ადვოკატები მოემსახურებიან >>

სამინისტრო აქვე ახსენებს საზღვარგარეთ მცხოვრებ ამომრჩეველს, რომ საარჩევნო უბანზე მისვლისას თან უნდა იქონიოს მოქმედი საქართველოს მოქალაქის პასპორტი ან პირადობის  მოწმობა.

საქართველოს პრეზიდენტის არჩევნები 2018 წლის 28 ნოემბერს გაიმართება. 


თემები:
საქართველოს პრეზიდენტის არჩევნები 2018 (104)

მთავარი თემები