05:15 21 სექტემბერი 2018
პირდაპირი ეთერი
  • EUR3.0693
  • 100 RUB3.9538
  • USD2.6193
საქართველოს პრემიერ-მინისტრ მამუკა ბახტაძის და სომხეთის პრეზიდენტ არმენ სარქისიანის შეხვედრა

მეგობრობა და თანამშრომლობა - რაზე ისაუბრეს ბახტაძემ და სომხეთის პრეზიდენტმა

FB / Government of Georgia
პოლიტიკა
მოკლე ბმულის მიღება
საქართველოს საგარეო პოლიტიკა (279)
8610

საქართველოს მთავრობის მეთაური ერევანში მეზობელი ქვეყნის ხელმძღვანელობას ხვდება

თბილისი, 10 სექტემბერი — Sputnik. საქართველოს პრემიერ-მინისტრმა მამუკა ბახტაძემ და სომხეთის პრეზიდენტმა არმენ სარქისიანმა ქვეყნებს შორის მეგობრული ურთიერთობები და წარმატებული თანამშრომლობა განიხილეს, ნათქვამია საქართველოს მთავრობის ადმინისტრაციის პრესსამსახურის მიერ გავრცელებულ განცხადებაში.

საქართველო და სომხეთი სტრატეგიული პარტნიორები გახდებიან? >>

ხაზი გაესვა სავაჭრო-ეკონომიკური კავშირების განვითარების კუთხით არსებულ პოტენციალს და აღინიშნა, რომ ამ მიმართულებით კონკრეტული ნაბიჯების დასახვას შეუწყობს ხელს მთავრობათაშორისი ეკონომიკური კომისია, რომლის მორიგი სხდომის გამართვა წლის ბოლომდე იგეგმება.

„ბახტაძის ვიზიტი ორმხრივი ურთიერთობების გაღრმავებას მისცემს სტიმულს“, — ციტირებს სარქისიანს „Sputnik-სომხეთი“.

შეხვედრაზე ყურადღება გამახვილდა განათლებისა და კულტურის სფეროში თანამშრომლობაზე. ბახტაძემ აღნიშნა, რომ საქართველო, ისევე, როგორც სომხეთი, წელს პირველი დამოუკიდებელი რესპუბლიკის 100 წლის იუბილეს ზეიმობს და სარქისიანს მნიშვნელოვანი თარიღი წინასწარ მიულოცა.

ბახტაძე უკვე შეხვდა თავის სომეხ კოლეგას ნიკოლ ფაშინიანს და პარლამენტის სპიკერს არა ბაბლოიანს. საქართველოს პრემიერმა სომხების გენოციდის მსხვერპლთა მემორიალი გვირგვინით შეამკო.

Посещение мемориала жертвам Геноцида армян 1915 года премьер-министром Грузии Мамуки Бахтадзе (10 сентября 2018). Еревaн
© photo: Sputnik / Aram Nersesyan
საქართველოს პრემიერმა მამუკა ბახტაძემ ერევანში სომხების გენოციდის მსხვერპლთა მემორიალი გვირგვინით შეამკო.

საქართველოს დელეგაციაში, რომელსაც პრემიერ-მინისტრი ხელმძღვანელობს, საგარეო საქმეთა მინისტრი დავით ზალკალიანი, გარემოს დაცვისა და სოფლის მეურნეობის მინისტრი ლევან დავითაშვილი, პარლამენტის თავმჯდომარის მოადგილე გიორგი ვოლსკი, დეპუტატები კახაბერ ოქრიაშვილი, სამველ მანუკიანი, ენზელ მკოიანი და რუსლან პოღოსიანი შედიან.

მანამდე საქართველოში ოფიციალური ვიზიტით ნიკოლ ფაშინიანი 30-31 მაისს იმყოფებოდა.

საქართველოსა და სომხეთს შორის დიპლომატიური ურთიერთობები 1992 წლის 17 ივლისს დამყარდა. მხარეები თანამშრომლობენ სხვადასხვა სფეროებში, განსაკუთრებით, ვაჭრობის მიმართულებით. ქვეყნებს შორის თავისუფალი სავაჭრო რეჟიმი მოქმედებს და სომხეთი საქართველოს ძირითადი პარტნიორი ქვეყნების ათეულში შედის.


თემები:
საქართველოს საგარეო პოლიტიკა (279)

მთავარი თემები