20:44 19 ნოემბერი 2018
პირდაპირი ეთერი
  • EUR3.0268
  • 100 RUB4.0447
  • USD2.6727
წვრთნები Sea Breeze ოდესაში

ქართველი სამხედროები მონაწილეობენ წვრთნებში Sea Breeze 2018

© Sputnik / STRINGER
პოლიტიკა
მოკლე ბმულის მიღება
საქართველოს თავდაცვა (130)
67 0 0

წვრთნების ფარგლებში ქართველი სამხედრო მოსამსახურეები აიმაღლებენ ცოდნას ოპერაციების მართვისა და ინფორმაციების გაცვლის შესაძლებლობების მიმართულებით.

თბილისი, 10 ივლისი – Sputnik. ქართული სამხედრო 50-კაციანი დელეგაცია უკრაინაში მონაწილეობს მრავალეროვნულ საზღვაო სწავლებაში Sea Breeze 2018, აღნიშნულია საქართველოს თავდაცვის სამინისტროს განცხადებაში

უკრაინულ–ამერიკული სწავლება ოდესაში ოფიციალურად ორშაბათს დაიწყო და 22 ივლისამდე გაგრძელდება. მასში მონაწილეობენ შავი ზღვის აუზის, ასევე ნატოს წევრი და პარტნიორი ქვეყნების სამხედრო–საზღვაო ძალების წარმომადგენლები.

საქართველოს გარდა, წვრთნებში მონაწილეობენ სამხედროები დანიიდან, ბულგარეთიდან, დიდი ბრიტანეთიდან, საბერძნეთიდან, თურქეთიდან, კანადიდან, ესტონეთიდან, მოლდოვიდან, ლიტვიდან, ნორვეგიიდან, შვედეთიდან, პოლონეთიდან და რუმინეთიდან.

სწავლების მიზანს წარმოადგენს საზღვაო უსაფრთხოების უზრუნველყოფა, ასევე შავი ზღვის აუზისა და პარტნიორი ქვეყნების სამხედრო-საზღვაო ძალებს შორის თანამშრომლობისა და კოორდინაციის გაუმჯობესება. 

ქართველი სამხედრო მოსამსახურეები ცოდნას აიმაღლებენ ოპერაციების მართვისა და ინფორმაციის გაცვლის შესაძლებლობებში, ასევე მიიღებენ გამოცდილებას როგორც წყალზედა, წყალქვეშა, ნაღმსაწინააღმდეგო, ამფიბიური და ჰაერსაწინააღმდეგო მოქმედებების მიმართულებებით.

ქართველი სამხედროები სწავლებაში Sea Breeze უკვე მეორე წელია ზედიზედ მონაწილეობენ.

სწავლება Sea Breeze უკრაინისა და აშშ–ის თავდაცვის უწყებებს შორის სამხედრო სფეროში თანამშრომლობის შესახებ მემორანდუმის შესაბამისად 1997 წლიდან ყოველწლიურად ტარდება. სწავლების ჩასატარებლად ძირითადი ტერიტორიაა შავი ზღვა და სამხრეთ უკრაინის პოლიგონები, მაგრამ წვრთნები რამდენჯერმე ხმელთაშუა ზღვაშიც ჩატარდა.

 

თემები:
საქართველოს თავდაცვა (130)

მთავარი თემები