თბილისი, 18 ივნისი — Sputnik. ევროპის უშიშროებისა და თანამშრომლობის ორგანიზაციის დელეგაცია ეუთოს 25 მუდმივი წარმომადგენლის შემადგენლობით 18-22 ივნისს სამხრეთ კავკასიის ქვეყნებს ეწვევა, ნათქვამია ეუთოს ოფიციალურ ვებ-გვერდზე განთავსებულ განცხადებაში.
„დელეგაცია ეუთოს წევრი ქვეყნების 25 მუდმივი წარმომადგენლის შემადგენლობით 18-22 ივნისს ეწვევა სომხეთს, აზერბაიჯანსა და საქართველოს. ეუთოს თანათავმჯდომარე ქვეყნების წარმომადგენლები შეხვდებიან სომხეთის, აზერბაიჯანისა და საქართველოს ლიდერებს", — იუწყება ეუთო.
დელეგაცია ასევე შეხვდება პარლამენტების თავმჯდომარეებს და სამოქალაქო საზოგადოების წარმომადგენლებს.
ვიზიტის მიზანია ელჩების მხრიდან სტაბილურობის, მშვიდობისა და აყვავების მხარდაჭერის დადასტურება ეუთოს ვალდებულებებისა და პრინციპების შესაბამისად, ასევე სამხრეთ კავკასიის თითოეულ ქვეყანაში ეუთოს წარსული, მიმდინარე და პოტენციური მომავლის მხარდაჭერა.
დელეგაციის წევრები ადგილზე გაეცნობიან არსებულ რეალობებს და გადასცემენ გზავნილებს ეროვნულ ხელისუფლებებს.
