თბილისი, 2 ივნისი — Sputnik. თურქეთის პრეზიდენტმა რეჯებ თაიიპ ერდოღანმა სატელეფონო საუბრისას ქართველო კოლეგა გიორგი მარგველაშვილი 12 ივნისს, ტრანსანატოლიის გაზსადენის — TANAP-ის პროექტის გახსნის ცერემონიაზე მიიწვია, ნათქვამია ქართული სახელმწიფოს მეთაურის ვებგვერდზე გავრცელებულ განცხადებაში.
პროექტი TANAP-ი ბუნებრივი აირის ტრანსპორტირებას „შაჰ-დენიზის“ აზერბაიჯანული საბადოდან თურქეთის დასავლეთ საზღვრამდე ითვალისწინებს. თურქეთში ბუნებრივი აირი მიმდინარე წელს შევა, ხოლო ტრანსადრიატიკული გაზსადენის (ТАР) მშენებლობის დასრულების შემდეგ დაახლოებით 2020 წლის დასაწყისში — ევროპაში. საბადოზე ბუნებრივი აირის მოპოვების მეორე სტადიის ფარგლებში აირის ექსპორტი თურქეთსა და ევროპულ ბაზრებზე „სამხრეთ კავკასიის გაზსადენის“ და პროექტების TANAP და ТАР-ის მშენებლობის შედეგად განხორციელდება.
„სატელეფონო საუბრისას, რომელიც თურქეთის პრეზიდენტის ინიციატივით გაიმართა, გიორგი მარგველაშვილს რეჯეპ ტაიპ ერდოღანმა საქართველოს დამოუკიდებლობის 100 წლის იუბილე მიულოცა და საქართველოს პრეზიდენტი 12 ივნისს, ესქიშექირში ტრანსანატოლიის ბუნებრივი გაზსადენის —TANAP-ის პროექტის გახსნის ცერემონიაზე მიიწვია“, — ნათქვამია განცხადებაში.
მარგველაშვილმა სატელეფონო საუბრისას აღნიშნა, რომ სწორედ პროექტ TANAP-ის საშუალებით ევროკავშირს აზერბაიჯანიდან საქართველოსა და თურქეთის გავლით დამატებით მიეწოდება ბუნებრივი აირი, რაც კონტინენტური ევროპას ენერგოუსაფრთხოების თვალსაზრისით წაადგება და საქართველოს მონაწილეობა ამ პროექტში, თავისთავად, მნიშვნელოვანია.
გაზი ევროპაში: საქართველოში გაზსადენის გაფართოების სამუშაოები დასრულდა >>
ორი ქვეყნის ლიდერებმა აგრეთვე თურქეთსა და საქართველოს შორის ორმხრივი თანამშრომლობის საკითხები განიხილეს.
