თბილისი, 27 აპრილი — Sputnik. აშშ-ის სახელმწიფო მდივნის თანაშემწე ევროპისა და ევრაზიის საკითხებში უეს მიტჩელი საქართველოს მომავალ კვირას ეწვევა, ნათქვამია აშში-ის სახელმწიფო დეპარტამენტის მიერ გავრცელებულ განცხადებაში.
უწყების ცნობით, უეს მიტჩელი ბრიუსელში გამართულ ნატოს საგარეო საქმეთა მინისტრების შეხვედრის შემდეგ თბილისში ჩამოვა და ნატო-საქართველოს ფორუმში მონაწილეობას მიიღებს.
„მიტჩელი სიტყვით გამოვა ნატო-საქართველოს ფორუმზე, ასევე, შეხვდება საქართველოს მთავრობის წევრებს, სამოქალაქო საზოგადოების წარმომადგენლებს და აშშ-ის სავაჭრო პალატის წევრებს,"- ნათქვამია განცხადებაში.
ამერიკელი დიპლომატი საქართველოს შემდეგ უკრაინაში გაემგზავრება.