17:40 14 დეკემბერი 2018
პირდაპირი ეთერი
  • EUR3.0308
  • 100 RUB4.0143
  • USD2.6642
საქართველოს გერბი

საქართველოსა და ბაჰრეინის სამეფოს შორის ტურიზმის სფეროს განვითარება იგეგმება

© Sputnik / Alexander Imedashvili
პოლიტიკა
მოკლე ბმულის მიღება
საქართველოს საგარეო პოლიტიკა (308)
40 0 0

ბაჰრეინის საგარეო საქმეთა მინისტრის მოადგილე შეიხ აბდულა ბინ აჰმედ ალ-ხალიფამ საქართველოს სუვერენიტეტისა და ტერიტორიული მთლიანობისადმი ურყევი მხარდაჭერა დააფიქსირა

თბილისი, 13 აპრილი — Sputnik. საქართველოს საგარეო საქმეთა მინისტრი მიხეილ ჯანელიძე ბაჰრეინის სამეფოს საგარეო საქმეთა სამინისტროს დელეგაციას შეხვდა, ნათქვამია უწყების მიერ გავრცელებულ განცხადებაში.

დელეგაცია, რომელსაც ბაჰრეინის საგარეო საქმეთა მინისტრის მოადგილე შეიხ აბდულა ბინ აჰმედ ალ-ხალიფა ხელმძღვანელობს, საქართველოს  12 აპრილს ორდღიანი ვიზიტით ეწვია.

ვიზიტის ფარგლებში ორი ქვეყნის საგარეო უწყებებს  შორის რიგით პირველი კონსულტაციები უკვე გაიმართა.  

შეხვედრაზე  მხარეებმა განიხილეს  ქვეყნებს შორის  სხვადასხვა სფეროებში, განსაკუთრებით ტურიზმის სფეროში ორმხრივი თანამშრომლობის საკითხები.  დადებითად შეფასდა ბაჰრეინიდან  საქართველოში ვიზიტორების რაოდენობის ზრდა. ქართულმა მხარემ ბაჰრეინის საგარეო უწყების წარმომადგენლებს დეტალურად გააცნო ქვეყანაში არსებული საინვესტიციო და ბიზნეს–გარემო.

ბაჰრეინის საგარეო საქმეთა მინისტრის მოადგილე შეიხ აბდულა ბინ აჰმედ ალ-ხალიფამ საქართველოს სუვერენიტეტისა და ტერიტორიული მთლიანობისადმი ურყევი მხარდაჭერა დააფიქსირა.

შეხვერაზე საუბარი ასევე შეეხო ურთიერთობებს მრავალმხრივ ფორმატებში და ხაზი გაესვა თანამშრომლობის პოზიტიურ დინამიკას. ამასთან, მხარეებმა მიმოიხილეს უსაფრთხოების გლობალური საკითხები და მიმდინარე გამოწვევები. 

 

 

 

თემები:
საქართველოს საგარეო პოლიტიკა (308)

მთავარი თემები