ავღანეთში სამი ქართველი სამხედრო დაიჭრა

© Photo courtesy of Ministry of Defence of Georgiaქართველი სამხედროები ავღანეთში გასამგზავრებლად ემზადებიან
ქართველი სამხედროები ავღანეთში გასამგზავრებლად ემზადებიან - Sputnik საქართველო
გამოწერა
დაჭრილი სამხედრო მოსამსახურეები მკურნალობის კურსს ბაგრამის ბაზაზე განთავსებულ გოსპიტალში გადიან

თბილისი, 22 ნოემბერი — Sputnik. სამი ქართველი სამხედრო მოსამსახურე მსუბუქად დაიჭრა ავღანეთში პატრულირებისას, ნათქვამია საქართველოს თავდაცვის სამინისტროს ვებგვერდზე გამოქვეყნებულ განცხადებაში.

თავდაცვის სამინისტროს მონაცემებით, ბაგრამის საავიაციო ბაზის მიმდებარე ტერიტორიაზე დაიჭრნენ სამშვიდობო მისია "მტკიცე მხარდაჭერაში" მონაწილეები: მაიორი პაპუნა ხორავა, კაპრალი ომარი ბერიძე და კაპრალი ნუგზარი ოსანაძე.

ქართველი მშვიდობისმყოფელები ავღანეთში - Sputnik საქართველო
თავდაცვის სამინისტრო: საქართველო ავღანეთში მისიას გააგრძელებს

„ამ დროისთვის ქართველი სამშვიდობოები ბაგრამის საავიაციო ბაზის სამხედრო ჰოსპიტალში იმყოფებიან, სადაც მათ საჭირო სამედიცინო კვლევები უტარდებათ“, — ნათქვამია განცხადებაში.

ნატოს სამშვიდობო მისია "მტკიცე მხარდაჭერა" (Resolute Support) ავღანეთში 2015 წლის 1 იანვრიდან ამოქმედდა. 2015 წლის დასაწყისში ქაბულში, ყანდაგარში, გერათში, მაზარი-შარიფში 12 000 სამხედრო განთავსდა. ქართული მხრიდან მისიაში 870 სამხედრო მონაწილეობს.

ქართველი სამხედროები ძირითადად ქაბულში, ბაგრამის საავიაციო ბაზაზე, ყანდაგარსა და მაზარი-შარიფში არიან განლაგებული.


ყველა ახალი ამბავი
0