ირაკლი კობახიძე: „ქართული ოცნება" დამაჯერებლად ლიდერობს

© Sputnik / Alexander Imedashviliირაკლი კობახიძე
ირაკლი კობახიძე - Sputnik საქართველო
გამოწერა
პარლამენტის თავმჯდომარემ განაცხადა, რომ მმართველი პარტია ყველა მუნიციპალიტეტში დამაჯერებლად ლიდერობს, თუმცა ზოგიერთ მუნიციპალიტეტში, სავარაუდოდ, მეორე ტური ჩატარდება

თბილისი, 21 ოქტომბერი — Sputnik. საქართველოს პარლამენტის თავმჯდომარე ირაკლი კობახიძის განცხადებით, ეგზიტპოლების შედეგებით და პარტიული დათვლებით, მმართველი პარტია „ქართული ოცნება" ქვეყნის მასშტაბით დამაჯერებლად ლიდერობს, იუწყება ტელეკომპანია Rustavi2.

გიორგი კვირიკაშვილი ბრიფინგზე - Sputnik საქართველო
კვირიკაშვილი: ეს არის დემოკრატიისკენ გადადგმული კიდევ ერთი უმნიშვნელოვანესი ნაბიჯი

„ყველა მუნიციპალიტეტში „ქართული ოცნება" ლიდერობს დამაჯერებლად. იქნება, სავარაუდოდ, მეორე ტურები მთელ რიგ მუნიციპალიტეტებში, თუმცა, უმეტეს შემთხვევაში, პირველ ტურში დამთავრდება მერის არჩევნები," — განაცხადა ირაკლი კობახიძემ.

მან ასევე გამარჯვება მიულოცა კახა კალაძეს, რომელიც თბილისის მერის თანამდებობაზე იყრიდა კენჭს და ეგზიტპოლის შედეგებით, 18:00 საათისთვის, ხმათა 54% მიიღო.

საქართველოს მოქალაქეები დღეს ირჩევდნენ ქალაქებისა და რაიონების 64 მერსა და 64 საკრებულოს დეპუტატებს. არჩევნებზე მონაწილეობდა 22 პარტია და 5 საარჩევნო ბლოკი, ასევე დამოუკიდებელი კანდიდატები. 

წინასწარი მონაცემებით, ადგილობრივ თვითმმართველობის არჩევნებზე ამომრჩევლის 45,74% გამოცხადდა.

ყველა ახალი ამბავი
0