„ვიშეგრადის ოთხეული" საქართველოს ევროკავშირში ინტეგრაციას მხარს უჭერს

© FB / МИД Грузии მიხეილ ჯანელიძე და ვიტოლდ ვაშიკოვსკი
მიხეილ ჯანელიძე და ვიტოლდ ვაშიკოვსკი - Sputnik საქართველო
გამოწერა
ვარშავაში „ვიშეგრადის ოთხეულისა" და „აღმოსავლეთ პარტნიორობის" ქვეყნების საგარეო საქმეთა მინისტრების შეხვედრა გაიმართა.

თბილისი, 13 აპრილი — Sputnik. ვიშეგრადის ოთხეულის" ქვეყნები მხარს უჭერენ აღმოსავლეთ პარტნიორობის" მონაწილე ქვეყნების ევროპულ ინტეგრაციას, აღნიშნულია საქართველოს საგარეო საქმეთა სამინისტროს პრეს-სამსახურის განცხადებაში.

ექსპერტი: აღმოსავლეთ პარტნიორობის მომავალი გაურკვეველია - Sputnik საქართველო
ექსპერტი: აღმოსავლეთ პარტნიორობის მომავალი გაურკვეველია

ვარშავაში გუშინ ვიშეგრადის ოთხეულისა" (ჩეხეთი, პოლონეთი, სლოვაკეთი და უნგრეთი) და აღმოსავლეთ პარტნიორობის" (სომხეთი, აზერბაიჯანი, ბელარუსი, საქართველო, მოლდოვა და უკრაინა) ქვეყნების საგარეო საქმეთა მინისტრების შეხვედრა გაიმართა. შეხვედრაში მონაწილეობდა საქართველოს საგარეო საქმეთა მინისტრი მიხეილ ჯანელიძე.

„ვიშეგრადის ოთხეულის“ ქვეყნებმა მიიღეს ერთობლივი განცხადება, რომლის თანახმად, 2017 წლის „აღმოსავლეთ პარტნიორობის“ ბრიუსელის სამიტის დეკლარაციაში უნდა აისახოს პარტნიორი ქვეყნების მისწრაფებების მხარდაჭერა და ევროპული პერსპექტივა.

„მნიშვნელოვანია, რომ „ვიშეგრადის ოთხეულის“ წევრი ქვეყნების საგარეო საქმეთა მინისტრებმა მიიღეს ერთიანი განცხადება, რომელშიც მკაფიოდ არის დაფიქსირებული „აღმოსავლეთ პარტნიორობის“ მონაწილე ქვეყნების ევროპული პერსპექტივა… ჩვენ ვხედავთ ძალიან დიდ პოტენციალს იმისთვის, რომ საქართველო იყოს სრულად ინტეგრირებული როგორც ევროკავშირის შიდა ბაზართან, ისე აზიურ ბაზრებთან“, — განაცხადა ჯანელიძემ.
მისი თქმით, ეს დადებითად აისახება საქართველოს ეკონომიკურ განვითარებაზე.

გიორგი კვირიკაშვილი და იოჰანეს ჰანი - Sputnik საქართველო
იოჰანეს ჰანი: საქართველო „აღმოსავლეთ პარტნიორობის“ ერთ-ერთი ლიდერია

„აღმოსავლეთ პარტნიორობა“ მონაწილე ქვეყნებისთვის ევროკავშირის წევრობას არ ითვალისწინებს, მაგრამ ვარაუდობს პოლიტიკურ და ეკონომიკურ დაახლოებას.

„აღმოსავლეთ პარტნიორობის“ პროგრამის რეალიზება პარტნიორ ქვეყნებთან თანამშრომლობას ითვალისწინებს ოთხი თემატური პლატფორმის საფუძველზე: დემოკრატიის, ეკონომიკური ინტეგრაციისა და ევროკავშირის პოლიტიკოსებთან დაახლოების, ენერგეტიკული უსაფრთხოების, ასევე ადამიანთა შორის ურთიერთობების საკითხებში.

„ვიშეგრადის ოთხეული“ ცენტრალური ევროპის ოთხი ქვეყნის გაერთიანების არაოფიციალური დასახელებაა, რომელიც 1991 წლის 15 თებერვალს უნგრეთის ქალაქ ვიშეგრადში დაარსდა.

1993 წელს ჩეხოსლოვაკიის ჩეხეთად და სლოვაკეთად გაყოფამდე კავშირს „ვიშეგრადის სამეული“ ეწოდებოდა.

ყველა ახალი ამბავი
0