ევროპის ადამიანის უფლებათა სასამართლომ „რუსთავი 2“-ის საქმეზე აღსრულება შეაჩერა

© Sputnik / Alexander Imedashviliტელეკომპანია რუსთავი 2
ტელეკომპანია რუსთავი 2 - Sputnik საქართველო
გამოწერა
„რუსთავი 2“-ის ინფორმაციით, ადამიანის უფლებათა ევროპული სასამართლოს გადაწყვეტილებაში ასევე არის ჩანაწერი, რომ „ხელისუფლებამ თავი შეიკავოს სარედაქციო პოლიტიკაში ჩარევისგან ნებისმიერი ფორმით“.

თბილისი, 3 მარტი — Sputnik. ევროპის ადამიანის უფლებათა სასამართლომ საქართველოს უზენაესი სასამართლოს გადაწყვეტილების აღსრულება შეაჩერა ტელეკომპანია „რუსთავი 2“-ის (Rustavi2) მისი წინა მფლობელისათვის გადაცემის შესახებ, — განაცხადა ტელეკომპანიის გენერალურმა დირექტორმა ნიკა გვარამიამ. 

საქართველოს უზენაესი სასამართლოს დიდმა პალატამ ხუთშაბათს მიიღო გადაწყვეტილება საჯარო რეესტრში „რუსთავი 2“-ის ამჟამინდელი მფლობელების წილების რეგისტრაციის ანულირების და მათი ყოფილი მფლობელის — ბიზნესმენ ქიბარ ხალვაშისა და მისი კომპანია „პანორამასათვის“ გადაცემის შესახებ. 

საქართველოს პრეზიდენტი გიორგი მარგველაშვილი - Sputnik საქართველო
საქართველოს პრეზიდენტი Rustavi2–ის საქმეზე: პროვოკაციები დაუშვებელია

„სტრასბურგის ადამიანის უფლებათა სასამართლოდან ძალიან სასიხარულო ცნობა მოვიდა — სრულიად უპრეცედენტო, რომელიც ძალიან დიდი კითხვის ნიშნის ქვეშ აყენებს საქართველოში მიმდინარე პოლიტიკურ პროცესებს. სტრასბურგის სასამართლომ პირველად საკუთარი არსებობის ისტორიაში შეაჩერა საქმის აღსრულება უზენაესი სასამართლოს გადაწყვეტილების შემდეგ. მსგავსი ზომა სტრასბურგის სასამართლოს არ გამოუყენებია არასდროს, გარდა იმ საქმეებისა, რომელიც ეხება ადამიანების წამებას, საფრთხეს უქმნის ადამიანების სიცოცხლეს ან ეხება ექსტრადირებას. არც საკუთრების უფლებასთან მიმართებაში და არც გამოხატვის უფლებასთან მიმართებით არც ერთ ვითარებაში სტრასბურგის სასამართლოს მსგავსი გადაწყვეტილება არ მიუღია. ეს არის ისტორიული შემთხვევა. ერთი მხრივ, „რუსთავი 2“-ის საქმემ და საქართველოს სამარცხვინო სასამართლო ხელისუფლებამ და სამარცხვინო მთავრობამ საფუძველი დაუდო ადამიანის უფლებათა ევროპული სასამართლოს ახალ პრაქტიკას“, — განაცხადა ნიკა გვარამიამ.

„რუსთავი 2-ის» გენერალური დირექტორის განმარტებით, დოკუმენტში წერია, რომ 8 მარტამდე, ვიდრე სტრასბურგის სასამართლო გაერკვევა, შეჩერებულია უზენაესი სასამართლოს გადაწყვეტილების აღსრულება, დანარჩენი განმარტებები კი მოგვიანებით გაკეთდება. ამასთან, სტრასბურგის სასამართლომ დამატებითი დოკუმენტაცია მოითხოვა.

 

 

ყველა ახალი ამბავი
0