„თავისუფალ დემოკრატებს“ შალვა შავგულიძე ჩაუდგა სათავეში

© photo: Shalva Shavgulidze / FBშალვა შავგულიძე
შალვა შავგულიძე - Sputnik საქართველო
გამოწერა
პოლიტიკური პარტიის რიგგარეშე ყრილობას ექსთავმჯდომარე ირაკლი ალასანიაც ესწრებოდა.

თბილისი, 19 თებერვალი — Sputnik. პარტია თავისუფალ დემოკრატებს“ დღეიდან შალვა შავგულიძე უხელმძღვანელებს, რომელიც პარტიის თავმჯდომარედ დღეს აირჩიეს რიგგარეშე ყრილობაზე.

ზურაბ აბაშიძე - თავისუფალი დემოკრატების პლაკატი - Sputnik საქართველო
ალასანიას ყოფილი თანამებრძოლი ყაზახეთში საქართველოს ელჩად დაინიშნა

პარტიის გენერალურ მდივნად ყრილობამ თამარ კიკნაძე პოლიტიკურ მდივნად — ნინო გოგუაძე, ხოლო აღმასრულებელ მდივნად — ლევან სამუშია აირჩია.

გარდა ამისა, დამტკიცდა პარტიის ახალი წესდებაც. ცვლილებების თანახმად, პარტიაში ახალი სტრუქტურა — პოლიტსაბჭო ჩამოყალიბდება.

რიგგარეშე ყრილობას ესწრებოდა ექსთავმჯდომარე ირაკლი ალასანიაც, რომელმაც ჟურნალისტებს განუცხადა, რომ პარტიის წევრად რჩება, მაგრამ აქტიურ პოლიტიკაში დაბრუნებას არ აპირებს.

შეგახსენებთ: ირაკლი ალასანიამ „თავისუფალი დემოკრატების“ თავმჯდომარის პოსტი 2016 წლის საპარლამენტო არჩევნებში დამარცხების შემდეგ დატოვა.

ყველა ახალი ამბავი
0