თბილისი, 15 თებერვალი — Sputnik. თბილისის მერი დავით ნარმანია საბერძნეთში გაემგზავრა, სადაც ევროპის საბჭოს ადგილობრივი და რეგიონული ხელისუფლებების კონგრესის მონიტორინგის კომიტეტის სხდომაში მიიღებს მონაწილეობას, ნათქვამია ქალაქის მთავრობის ვებ-გვერდზე გამოქვეყნებულ განცხადებაში.
ევროპის საბჭოს ადგილობრივი და რეგიონული ხელისუფლებების კონგრესის მონიტორინგის კომიტეტის სხდომა 16 თებერვალს ჩატარდება.
„აღნიშნულ სხდომაზე ძირითადი აქცენტი 2017 წელს, სხვადასხვა ქვეყნებში ადგილობრივი არჩევნების დაგეგმვასთან და მონიტორინგთან დაკავშირებით კეთდება. მათ შორის საუბარი შეეხება საქართველოში, შემოდგომაზე დაგეგმილ მონიტორინგის მისიას და იმ ძირითად მიდგომებს, რა მიდგომებითაც მოხდება ადგილობრივი არჩევნების დაკვირვება“, — განაცხადა ნარმანიამ.
ადგილობრივი თვითმმართველობის ორგანოების ბოლო არჩევნები საქართველოში 2014 წელს ჩატარდა.
ადგილობრივი და რეგიონული ხელისუფლებების კონგრესი ევროპის საბჭოს საკონსულტაციო ორგანოა, რომელშიც ევროკავშირის წევრ სახელმწიფოების ხელისუფლების ადგილობრივი და რეგიონალური ორგანოების წარმომადგენლები შედიან.
კონგრესის საქმიანობის ერთ–ერთი ძირითადი მიმართულება — ევროკავშირის ქვეყნებში ადგილობრივი და რეგიონალური დემოკრატიის მდგომარეობის მონიტორინგი 1985 წლის ადგილობრივი თვითმმართველობის ევროპული ქარტიის დაცვის კუთხით და მუნიციპალური და რეგიონალური არჩევნების დაკვირვება.
