ცხინვალის დე-ფაქტო ხელისუფლებამ ორი ქალბატონი ჯარიმის გადახდის შემდეგ გაათავისუფლა

© Ministry of Foreign Affairs of Georgiaმავთულხლართი ცხინვალის რეგიონის ადმინისტრაციულ საზღვარზე
მავთულხლართი ცხინვალის რეგიონის ადმინისტრაციულ საზღვარზე - Sputnik საქართველო
გამოწერა
იანვრის ბოლოს დაკავებულ ქალბატონებს ადმინისტრაციული საზღვრის უკანონო გადაკვეთა ედებოდათ ბრალად.

თბილისი, 4 თებერვალი — Sputnik. ცხინვალის რეგიონის დე-ფაქტო ხელისუფლებამ საქართველოს ორი მოქალაქე, რომლებსაც ადმინისტრაციული საზღვრის უკანონო გადაკვეთა ედებოდათ ბრალად, გაათავისუფლა, იუწყება საინფორმაციო სააგენტო Новости-Грузия სახელმწიფო უსაფრთხოების სამსახურზე დაყრდნობით.

ქეთევან ციხელაშვილი - Sputnik საქართველო
თბილისი ცხინვალში რეფერენდუმის ჩატარებას არალეგიტიმურად მიიჩნევს

„ჩვენ შეგვიძლია დაგიდასტუროთ საქართველოს ამ ორი მოქალაქე ქალბატონის გათავისუფლების ფაქტი, რომლებსაც საზღვრი უკანონო გადაკვეთა ბრალდებოდათ“, — განუცხადა სააგენტოს უსაფრთხოების სამსახურის პრესსამსახურის თანამშრომელმა.

27 იანვარს დაკავებული ორი და ცხინვალის დე-ფაქტო ხელისუფლებამ მხოლოდ მას შემდეგ გაათავისუფლა, რაც თითოეულმა 2-2 ათასი რუბლის ოდენობის ჯარიმა გადაიხადა, იუწყება საინფორმაციო სააგენტო РИА Новости დავით სანაკოევზე დაყრდნობით.

წუხელ ეუთოს წარმომადგენელი სებასტიან კურცი ადმინისტრაციულ საზღვარზე იმყოფებოდა და მონაწილეობა მიიღო ერგნეთში გამართულ შეხვედრაში, რომელიც ინციდენტების აღკვეთისა და რეაგირების მექანიზმის ფარგლებში მოეწყო.

ყველა ახალი ამბავი
0