თბილისი, 12 იანვარი — Sputnik. საქართველოს პრეზიდენტის ადმინისტრაციას სახელმწიფოს მეთაურის სიძის მინდია გოგოჭურის დაჭრის შესახებ საქმის ეფექტურად გამოძიები იმედი აქვს, განაცხადა პრეზიდენტის პრეს-სპიკერმა ეკა მიშველაძემ.
საინფორმაციო საშუალებების მონაცემებით, გოგოჭური და მისი მეგობარი თბილისში, ბალანჩივაძის ქუჩაზე სროლისას დაიჭრნენ. გოგოჭურის დეიდამ ჟურნალისტებთან განაცხადა, რომ ის ფეხშია დაჭრილი.
„ძალიან ცუდია, როცა ახალგაზრდა ადამიანებზე ხდება თავდასხმა, თუმცა მიმდინარეობს გამოძიება, ველოდებით მის დასრულებას და იმედი გვაქვს, რომ ეს ყველაფერი იქნება ეფექტური“, — განაცხადა მიშველაძემ.
მომხდართან დაკავშირებით გამოძიება სისხლის სამართლის კოდექსის 118-ე და 236-ე მუხლებით მიმდინარეობს, რაც სხეულის ნაკლებად მძიმე დაზიანებასა და ცეცხლსასროლი იარაღის უკანონო შეძენა-შენახვა-ტარებას გულისხმობს. დამნაშვეებს 4 წლამდე ვადით თავისუფლების აღკვეთა ემუქრებათ.
გოგოჭურს რესპუბლიკური საავადმყოფოს გადაუდებელი სამედიცინო დახმარების ცენტრში ჩაუტარდა ოპერაცია. ამჟამად მისი ჯანმრთელობის მდგომარეობა სტაბილურია და მის სიცოცხლეს საფრთხე არ ემუქრება.
მინდია გოგოჭური პრეზიდენტის მეუღლის მაკა ჩიჩუას ქალიშვილის (პირველი ქორწინებიდან) მეუღლეა.
