თბილისი, 11 იანვარი – Sputnik. საქართველოს შინაგან საქმეთა სამინისტრომ პრემიერ-მინისტ გიორგი კვირიკაშვილის მითითებით ღამის კლუბებში არსებულ უკანონობასთან ბრძოლა დაიწყო, განაცხადა შს მინისტრის მოადგილე შალვა ხუციშვილმა ბრიფინგზე.
საქართველოს პრემიერ-მინისტრმა გიორგი კვირიკაშვილმა ოთხშაბათს შს მინისტრს „ვარდების მოედანზე“ არსებულ ღამის კლუბებში არსებული მდგომარეობის გარკვევა დაავალა, სადაც, მისი სიტყვებით, არ უშვებენ ქართველ მამაკაცებს და არასრულწლოვან ქართველ გოგონებს პროსტიტუციაში ითრევენ.
„დავალება (პრემიერისგან — რედ.) მივიღეთ. ჩვენ უკვე დავიწყეთ მუშაობა, რის შედეგებსაც დეტალურად წარმოვადგენთ — რა კეთდებოდა აქამდე და რა გაკეთდა დავალების მიღების შემდეგ. ამის შესახებ თქვენ საჯაროდ გაიგებთ“, — განაცხადა შალვა ხუციშვილმა.
ზემოთაღნიშნულ ღამის კლუბებში ძირითადად დროს უცხოელები — აღმოსავლეთის ქვეყნების წარმომადგენლები — ატარებენ.
