თბილისი, 3 ნოემბერი — Sputnik. საქართველოს საგარეო საქმეთა მინისტრი გიორგი კვირიკაშვილი, რომელიც აშშ–ში სამუშაო ვიზიტით იმყოფება, „რესპუბლიკელ“ სენატორ ჯონ მაკკეინს შეხვდა და ვიზიტის ფარგლებში მასთან ორმხრივ თანამშრომლობაზე ისაუბრა, — იუწყება საგარეო საქმეთა სამინისტროს პრესსამსახური სამშაბათს, 3 ნოემბერს.
„შეხვედრაზე მხარეებმა დაადასტურეს ორ ქვეყანას შორის არსებული სტრატეგიული პარტნიორობა. მინისტრმა მადლობა გადაუხადა ჯონ მაკკეინს მტკიცე მხარდაჭერისა და მეგობრობისთვის, რასაც ის წლების განმავლობაში ავლენს საქართველოსა და ქართველი ხალხის მიმართ“, — ნათქვამია პრესსამსახურის განცხადებაში.
ამერიკის შერთებულ შტატებში მინისტრი კვირიკაშვილი უკვე შეხვდა აშშ–ის სავაჭრო წარმომადგენელ მაილკ ფრომანს, ამერიკაში დასაქმებულ ქართველებს და ასევე ეწვია ქართულ მონასტერს მერილენდის შტატში.
