ქართველი ხელოვანის ორიგინალური ნამუშევრები და ბინის უჩვეულო ინტერიერი

© photo: courtesy of Nit Yurashviliნატა ყურაშვილის ნამუშევარი
ნატა ყურაშვილის ნამუშევარი - Sputnik საქართველო, 1920, 20.02.2021
გამოწერა
ორიგინალური ნივთები, ავეჯი, დეკორაცია  დღეს განსაკუთრებით აქტუალურია ინტერიერში და შესაბამისადაც ფასობს. მით უმეტეს, თუ იცი, რომ ის ერთადერთი მხოლოდ შენ გექნება და მსგავსს ავტორი აღარასდროს შექმნის.

სწორედ ასეთ ექსკლუზიურ ნივთებს, სარკეებს, ჭაღებს  ქმნის პროფესიით დიზაინერი ნატა ყურაშვილი. ბავშვობიდან მთელი მისი ინტერესები ხატვასთან იყო დაკავშირებული და დიდ დროს უთმობდა. დღემდე ასეა. ხატავს კედლებზე, ავეჯზე. ცალკე სასაუბრო თემაა მისი ბინის ინტერიერი, რომელშიც ფერები, ავეჯი, განლაგება ისეა შერჩეული, რომ ნამდვილად იგრძნობა ხელოვანის  ხედვა.

© photo: courtesy of Nit Yurashviliნატა ყურაშვილი
ქართველი ხელოვანის ორიგინალური ნამუშევრები და ბინის უჩვეულო ინტერიერი - Sputnik საქართველო, 1920, 20.02.2021
ნატა ყურაშვილი

- პროფესიით ტანსაცმლის დიზაინერი ვარ (ფრილანსერი). რამოდენიმე თვეა რაც ჩემი ნამუშევრებისთვის ფესიბუქ გვერდი BLUE SWALLOW გავაკეთე, სადაც თითქმის ყველა ჩემი ნამუშევარია განთავსებული. ასევე, მეგობართან ერთად ვხატავ კედლებზე. დამკვეთებს ძირითადად საბავშვო ოთახების მოხატვა უნდათ ხოლმე. ვმუშაობ უნიფორმების დიზაინზე, ეტიკეტებზე, ლოგოებზე, ნაქარგების დიზაინზე. ვფლობ თექაზე მუშაობის ტექნიკას, ბატიკას. დავდიოდი ხეზე კვეთაზე, ვაკეთებ ავეჯის რესტავრაციას, მოხატვას, თუმცა ამ საქმოანობას ძირითადდ ჩემთვის ვეწევი.

© photo: courtesy of Nit Yurashviliნატა ყურაშვილის ნამუშევარი
ქართველი ხელოვანის ორიგინალური ნამუშევრები და ბინის უჩვეულო ინტერიერი - Sputnik საქართველო, 1920, 20.02.2021
ნატა ყურაშვილის ნამუშევარი

- ხატვა როდის დაიწყეთ და დღეს რა ადგილი უკავია მას თქვენს ცხოვრებაში?

- დიდი ხანია რაც ვხატავ. ეს არის საქმე, რასაც დიდი სიამოვნებით ვაკეთებ.

© photo: courtesy of Nit Yurashviliნატა ყურაშვილის ნამუშევარი
ქართველი ხელოვანის ორიგინალური ნამუშევრები და ბინის უჩვეულო ინტერიერი - Sputnik საქართველო, 1920, 20.02.2021
ნატა ყურაშვილის ნამუშევარი

- საოცან დეკორატიულ ნივთებს ქმნით. ვრცლად მოგვყევით თქვენი საქმიანობის შესახებ...

- ჩემი საქმიანობის ინსპირაცია ჩემი სახლი. ჩრდილოეთი მხარეა და შესაბამისად მზე არასდროს არ არის. არც დიდი ხედით გამოირჩევა, ამიტომ დავიწყე სახლის მოხატვა. ამის წყალობით ახლა მზეც მაქვს ხეებიც და ფაქტიურად ბუნებაში ვცხოვრობ. სახლში თითქმის ყველა კედელი მოხატული მაქვს.

კედლის მხატვრობიდან გადავედი დეკორაციების შექმნაზე. გაკეთებული მაქვს უამრავი დეკორაცია, ასევე ჭაღები და სარკეები. ჩემი ნამუშევრები ხალხს ძალიან მოსწონს და ეს ჩემთვის დიდი სტიმულია.

© photo: courtesy of Nit Yurashviliნატა ყურაშვილის შემოქმედება
ქართველი ხელოვანის ორიგინალური ნამუშევრები და ბინის უჩვეულო ინტერიერი - Sputnik საქართველო, 1920, 20.02.2021
ნატა ყურაშვილის შემოქმედება

- როდესაც გიკვეთენ  სარკეს, ან სხვა ნივთს, მუშაობის დაწყებამდე რას ითვალისწინებთ?

- როდესაც ვიღებ შეკვეთას დიდ პასუხისმგებლობას ვგრძნობ დამკვეთის წინაშე. უნდა გამოვიდეს იდეალური. რა თქმა უნდა ვითვალისწინებ დამკვეთის აზრსაც, ნამუშევარი უნდა შეესაბამებოდეს მისი ინტერიერის სტილს და ფერს.

© photo: courtesy of Nit Yurashviliნატა ყურაშვილის ნამუშევარი
ქართველი ხელოვანის ორიგინალური ნამუშევრები და ბინის უჩვეულო ინტერიერი - Sputnik საქართველო, 1920, 20.02.2021
ნატა ყურაშვილის ნამუშევარი

- საინტერესოა, როგორია შემოქმედებითი პროცესი, რა გიქმნით სამუშაო განწყობას?

- სამუშაო განწყობის შესაქმნელად ბევრი არაფერი მჭირდება. სიწყნარე, ცხელი ყავა და სასიამოვნო მუსიკა.

© photo: courtesy of Nit Yurashviliნატა ყურაშვილის შემოქმედება
ქართველი ხელოვანის ორიგინალური ნამუშევრები და ბინის უჩვეულო ინტერიერი - Sputnik საქართველო, 1920, 20.02.2021
ნატა ყურაშვილის შემოქმედება

-  დღეს ინტერიერში რამდენად აქტუალურია მოხატული ავეჯი?

- დღესდღეობით ძალიან აქტუალურია მოხატული ავეჯი და კედლები. საბედნიეროდ ჩვენთან საკმაოდ ბევრი ნიჭიერი ადამიანია, რომლებიც ამ მიმართულებით მუშაობენ. შესაბამისად კონკურენციის დონეც მაღალია, რაც ძალიან მახარებს.

- სამომავლოდ რა გეგმები გაქვთ?

- სამომავლო გეგმების შესახებ ვერაფერს გეტყვით. ნამდვილად არ ვიცი მომავალში რას გავაკეთებ. მთავარია დღეს კმაყოფილი და ბედნიერი ვარ იმით, რასაც ვაკეთებ.

 

ყველა ახალი ამბავი
0