„სიბრძნის სიმფონია" წარმოგიდგენთ რიჩარდ ბახის გამონათქვამებს.
რიჩარდ დევიდ ბახი (Richard David Bach, 1936) — ამერიკელი მწერალი, ფილოსოფოსი, პუბლიცისტი, მფრინავი; მას ეკუთვნის მრავალი მოთხრობა, მათ შორის: „ერთი", „ილუზია", „აქედან ჩემი აზრი", „თოლია ჯონათან ლივინგსტონი" და სხვა.
• ქორწინებაში სიყვარული მანამ გრძელდება, სანამ ცოლ-ქმარი ერთმანეთის აზრებით ინტერესდება.
• თუ ოდესმე ისეთი ადამიანის პოვნის სურვილი გაგიჩნდება, რომელიც ნებისმიერ, ყველაზე მძიმე უბედურების გადალახვასაც კი შეძლებს და ბედნიერს გაგხდის, მაშინ ამას სხვა ვერავინ გააკეთებს, უბრალოდ, ჩაიხედე სარკეში და თქვი: „გამარჯობა!"
• თითოეული სურვილი მისი რეალიზებისთვის აუცილებელ ძალებთან ერთად გეძლევა. თუმცა, შესაძლოა, ამისთვის შრომა მოგიწიოს.
• შენი მასწავლებელია არა ის, ვინც გასწავლის, არამედ ის, ვისგანაც სწავლობ.
• ძალიან ვაფასებ ორ რამეს — სულიერ სიახლოვესა და სიხარულის მინიჭების უნარს.
• თითოეული ადამიანი შენ ცხოვრებაში, ყველა მოვლენა — ეს ყველაფერი შენ თავს მხოლოდ იმიტომ ხდება, რომ ჩვენ თავად მოვიზიდეთ აქ და რას უზამ ამ ყველაფერს შემდეგ, უკვე თავად ირჩევ…
• გარესამყარო — ეს ჩვენი აზრების სარკეა.
• იქ, სადაც სულიერი სიახლოვე არ არის, იდეალური სექსი არ შეიძლება იყოს.
• ის, რასაც ხედავ, შენი საკუთარი ცნობიერებაა. თუ ამ ფარდას აწევ — სცენა შეიცვლება!
• თუ იმაზე ვიქნები დამოკიდებული, აღელვებს თუ არა ხალხს ის, რაზეც ვსაუბრობ, ეს ნიშნავს, რომ ჩემი ბედნიერება პირველ შემხვედრზეა დამოკიდებული და არა ჩემზე.
• იმისთვის არ ვარსებობ, რომ სამყარო გავაოცო. იმისთვის ვარსებობ, რომ ჩემმა განვლილმა ცხოვრების გზამ ბედნიერად მაქციოს.
• კმარა ბრბოები, თუნდაც ბედნიერთა… თუ ამ ბრბოს შეაშინებ, ის ან ჯვარზე გაცვამს, ან თაყვანს გცემს. ბოდიში, მაგრამ ეს უკვე ზედმეტია!
• არ არსებობს ისეთი ცნება, როგორიცაა წარუმატებლობა. ყველაფერშია თავისი მიზეზი და ფარული გაკვეთილი.
• ის, რაც მატლისთვის სამყაროს დასასრულია, ბრძენისთვის პეპლის დაბადებაა…
• თითოეულ ჩვენგანშია ჩადებული ჩვენი თანხმობის ძალა ჯანმრთელობასა და ავადმყოფობაზე, სიმდიდრესა და სიღარიბეზე, თავისუფლებასა და მონობაზე. და ამ უდიდეს ძალას ჩვენ ვმართავთ და სხვა არავინ.
• მთელი ცხოვრება ელოდები ვიღაცასთან შეხვედრას, ვინც გაგიგებს და მიგიღებს ისეთს, როგორიც ხარ. ბოლოს კი აღმოაჩენ, რომ ეს ვიღაც სულ შენთან იყო. და ეს შენ თვითონ ხარ.
• ცხოვრება არაფერს გეუბნება, ის ყველაფერს გაჩვენებს.
• ერთადერთი, რასაც ამქვეყნად ყოფნის ბოლოს აქვს აზრი, ისაა, თუ როგორ და რამდენად ძლიერ გვიყვარდა.
• მარტოობის საპირისპირო არა ერთობლივი ცხოვრება, არამედ სულიერი სიახლოვეა.
• როდესაც ადამიანის გაგება გინდა, საკმარისია მისი წიგნების თაროს შეხედო.
• ოსტატის დონე მისი მოსწავლეების რაოდენობით არ განისაზღვრება.
• კედლები არ გვიცავს. ის იზოლაციაში გვაქცევს.
• ფრენა სულაც არ ნიშნავს ფრთების ქნევას, რომ ერთი ადგილიდან მეორეზე გადაინაცვლო. ეს კოღოსაც შეუძლია.