"სიბრძნის სიმფონიის" სტუმარია კლაივ სტეიპლზ ლუისი (Clive Staples Lewis 1898–1963) – ირლანდიელი მწერალი, პოეტი, მასწავლებელი, მეცნიერი და ღვთისმეტყველი. განსაკუთრებით ცნობილია ნაწარმოებებით ფენტეზის ჟანრში, მათ შორისაა "ნარნიის ქრონიკები", "ბალამუტის წერილები", "კოსმოსური ტრილოგია", რელიგიური ჟანრის წიგნებით – "უბრალოდ ქრისტიანობა", "სასწაული", "ტანჯვა" და სხვა.
ლუისის ნამუშევრები თარგმნილია 30–ზე მეტ ენაზე, გაყიდულია მისი მილიონობით წიგნი. "ნარნიის ქრონიკები" ყველაზე ცნობილი ნაწარმოების ციკლია, ის რამდენიმე მხატვრული ფილმის სიუჟეტს დაედო საფუძვლად.
• ყველა ადამიანი იღებს ცხოვრებაში იმას, რაც სურს. მაგრამ ამის შემდეგ ყველას არ უხარია
• მე დავწერე ის, რისი წაკითხვაც მინდოდა. ადამიანები ამას არ წერდნენ, მე თვითონ მომიწია
• ხანდახან სასარგებლოა ყველაფრის დაკარგვა, რათა გაიგო, რა გაკლია ნამდვილად
• მომავალი ისაა, რისკენაც თითოეული ჩვენგანი საათში 60 წუთი სისწრაფით მიილტვის
• სიყვარულის მთავარი მტერი გულგრილობაა და არა სიძულვილი
• რა ადამიანიც ხარ და საითაც იყურები, ამაზეა დამოკიდებულია ის, რასაც ხედავ და რაც გესმის
• როცა გეშინია, ყველაზე კარგია საფრთხისკენ პირით დადგე და ზურგს უკან იგრძნო რაღაც სითბო და იმედი
• ოდესმე საკმარისად გაიზრდებით იმისთვის, რომ კიდევ წაიკითხოთ ზღაპრები
• საბავშვო წიგნი, რომელიც მხოლოდ ბავშვებს მოსწონთ, ცუდი წიგნია. კარგი ყველასთვის კარგია. ვალსი, რომელიც სიხარულს მხოლოდ მოცეკვავეებს ანიჭებს – ცუდი ვალსია
• სამყაროში რომ ბოროტებაზე გაიმარჯვო, ის საკუთარ თავში უნდა დაძლიო
• ნუ ითავხედებ შენზე სუსტთან. შენზე ძლიერთან – როგორც გინდა
• თუ ფიქრობთ, რომ ამპარტავანი არ ხართ, ეს ნიშნავს, რომ ნამდვილად ამპარტავანი ბრძანდებით
• სულში, ისევე, როგორც ნიადაგში, ყველაზე ღრმა ფესვებს ულამაზო ყვავილები უშვებს
• საკმარისია მეხსიერება გააღვიძო, რომ ის ძალაუფლებისმოყვარე დესპოტად იქცევა
• მოწიფულ ასაკს მიღწეული ყოველთვის კეთილგანწყობილია ყმაწვილებისადმი, და ყველაზე დატვირთული ადამიანები ყოველთვის მზად არიან, სხვებს საკუთარი დრო დაუთმონ
• ტირილი ცუდი არაა, სანამ ტირი, მაგრამ ადრე თუ გვიან ცრემლი შრება და მაშინ უნდა გადაწყვიტო, რა გააკეთო
• არ ღირს დროის დახარჯვა იმაზე, რომ გაარკვიო, გიყვარს ადამიანი თუ არა. ისე მოიქეცი, თითქოს დარწმუნებული ხარ, რომ გიყვარს
• შენ სული არ გაქვს. შენ სული ხარ. შენ სხეული გაქვს