მოსაზრება: ჩინეთი რუსეთს ნავთობის ომში გამარჯვებაში დაეხმარება

© photo: Sputnik / Mikhail Klimentiev / გადასვლა მედიაბანკშიტელეხიდი ვლადიმირ პუტინსა და სი ცზინპინს შორის
ტელეხიდი ვლადიმირ პუტინსა და სი ცზინპინს შორის - Sputnik საქართველო
გამოწერა
ჩინურმა ნავთობგადამამუშავებელმა კომპანიებმა აპრილისთვის სამ მილიონ ტონაზე მეტ რუსულ ნავთობზე გააფორმეს კონტრაქტები.

მაქსიმ რუბჩენკო

ჩინეთის ეკონომიკა კორონავირუსის ეპიდემიის შემდეგ აღდგენას განაგრძობს და ქვეყანაში საწვავზე მოთხოვნა იზრდება. თანამემამულე მენავთობეებისთვის ეს შესაძლოა საკვანძო ფაქტორად იქცეს მსოფლიო ბაზარზე ფასების ომში წარმატებისთვის.

ცისქვეშეთი აღორძინების პროცესშია

პანდემიის დამარცხების შემდეგ პეკინში ეკონომიკის მხარდასაჭერი ღონისძიებები გაატარეს. დასწიეს გადასახადები, კრედიტებზე საპროცენტო განაკვეთები. ჩინეთის სახალხო ბანკმა ბაზრებს დამატებითი ლიკვიდურობა გამოუყო 1,2 ტრილიონი იუანის (170 მლრდ დოლარზე მეტი) რაოდენობით, ხოლო ფინანსთა სამინისტრომ ხელისუფლების ორგანოებს ნება დართო, მიზნობრივი ობლიგაციები გამოუშვან ინფრასტრუქტურული პროექტებისთვის. 

ნიუ-იორკის საფონდო ბირჟა - Sputnik საქართველო
ექსპერტის მოსაზრება: როდის დაბრუნდება ძვირი ნავთობი

შედეგად – ჩინეთის სტატისტიკის ეროვნულმა ბიურომ ორშაბათს განაცხადა, რომ მომარაგების მიმართულების მენეჯერების ოფიციალური ინდექსი მარტში 52,0-მდე გაიზარდა მას შემდეგ, რაც თებერვალში რეკორდულად დაბალ 35,7-მდე ჩამოიშალა.

წარმოებაში ინდექსი პრაქტიკულად ორჯერ გაიზარდა — 27,8-დან 54,1-მდე, ახალ საექსპორტო დაკვეთებში — 28,7-დან 46,4-მდე. ფაქტობრივად შეწყდა იმპორტული შესყიდვების დაცემა — ერთ თვეში ინდექსმა 31,9-დან 48,4-მდე აიწია.

პირველ რიგში გაიზარდა ენერგომატარებლების ინდექსი, ვინაიდან საწარმოებს, რომლებმაც მუშაობა განაახლეს, ელექტროენერგია და საწავავი ესაჭიროებათ ნედლეულისა და მზა პროდუქციის გადასატანად. ამასთან, საბიუჯეტო სახსრების ოპტიმიზაციის ფარგლებში პეკინი აპირებს გაუუქმოს სუბსიდიები მზისა და ქარის ელექტროსადგურებს — განახლებად ენერგეტიკას დამოუკიდებლად მოუწევს თავის გადარჩენა.

ჩინეთის ხელისუფლებამ უკვე ისარგებლა საწვავზე მოთხოვნის აღდგენით, რათა ვაშინგტონთან ახალი სავაჭრო ხელშეკრულების დაცვის მზადყოფნა წარმოაჩინოს, და განაცხადა, რომ ამერიკული გათხევადებული გაზის პარტიას შეიძენენ  — წელს პირველად. თუმცა ენერგომატარებლების ძირითადი მოცულობა, როგორც წარსულში, ახლაც რუსეთიდან შევა.

მაგალითად, აპრილში სამამულო კომპანიები ჩინეთში ორჯერ მეტ ნედლეულს გაგზავნიან, ვიდრე თებერვალში იყო — მილიონი ტონა 540 ათასი ტონის საპირისპიროდ. 

ასე გავიმარჯვებთ  

დონალდ ტრამპი აშშ-ის სახელმწიფო დროშას ეამბორება - Sputnik საქართველო
მოსაზრება: ნავთობზე მოლაპარაკებებით ყველაზე მეტად ტრამპია დაინტერესებული

ყველაფერი ეს შესაძლოა საკვანძო ფაქტორი აღმოჩნდეს რუსეთის, საუდის არაბეთისა და აშშ-ის დაპირისპირებაში ნავთობის მსოფლიო ბაზარზე. შეგახსენებთ, რომ 1 აპრილიდან შეთანხმება OPEC+ აღარ მოქმედებს და ახლა თითოეული ქვეყანა თავად განსაზღვრავს მოპოვებისა და ექსპორტის ოპტიმალურ მოცულობას.

საუდის არაბეთი ღია დემპინგზე გადავიდა მსოფლიო ბაზრებზე საკუთარი წილის გაზრდის იმედით. ერ–რიადმა განაცხადა, რომ აპრილში ექსპორტს 12,3 მლნ ბარელამდე გაზრდის დღე-ღამეში, და მკვეთრად დასწია ფასები, შესთავაზა რა ევროპას ნავთობი 10,25 დოლარით იმაზე უფრო იაფად, ვიდრე Brent-ის მარკის ნავთობის საბირჟე კოტირებები იყო.

„ენერგეტიკის სამინისტრომ დაავალა Saudi Aramco-ს, განაგრძოს მიწოდებები 12,3 მლნ ბარელის დონეზე დღე-ღამეში უახლოესი თვეების განმავლობაში“, — განაცხადა საუდის არაბეთის მთავრობამ.

შედეგად – 30 მარტს, OPEC+ შეთანხმების მოქმედების ბოლო დღეს Brent-ის მარკის ნავთობის ფასმა 22,58 დოლარამდე დაიწია ბარელზე, რაც ბოლო 18 წლის განმავლობაში მინიმალური მაჩვენებელია. ეს ორჯერ ნაკლებია იმაზე, რაც რუსეთის ბიუჯეტშია ჩადებული და თითქმის ოთხჯერ დაბალია საუდის არაბეთის სახელმწიფო ბიუჯეტის დონეზე. 

ნავთობმოპოვება ზღვაში - Sputnik საქართველო
„გადახარშავს“ კი ბაზარი? — ნორვეგია ნავთობის მოპოვების გაზრდას გეგმავს

მაგრამ საუდიტების გეგმა, აევსოთ მსოფლიო იაფი ნავთობით, მოულოდნელ წინააღმდეგობას გადააწყდა — ნავთობგადამამუშავებელი ქარხნები ევროპასა და ამერიკაში უარს ამბობენ დამატებით შესყიდვებზე, დემპინგის მიუხედავადაც კი.

საქმე ისაა, რომ კორონავირუსის ეპიდემიის გამო საწვავზე მოთხოვნა ჩამოიშალა და ყველა საცავი გაუყიდავი ნავთობითაა გადავსებული. ჯერ კიდევ არ იყიდება.

უფრო მეტიც, ზოგი ამერიკული კომპანია უკვე ყიდის ნედლეულს უარყოფით ფასებში. კერძოდ, Mercuria-მ 30 მარტის პრაისში Wyoming Asphalt Sour-ზე (სქელი ნავთობი, რომელიც ბიტუმის საწარმოებლად გამოიყენება) ბარელზე მინუს 0,49 დოლარი მიუთითა.

ნავთობ–ტრეიდერებს მიაჩნიათ, რომ უარყოფით ზონაში მოექცევა ყველა ნედლეული, რომლებიც ნავთობგადამამუშავებელი ქარხნებიდან და მაგისტრალური მილსადენებიდან შორს მოიპოვება.

შექმნილ ვითარებაში ნავთობის ომში გამარჯვების უფრო მეტი შანსები აქვს ქვეყანას, რომელსაც გასაღების ყველაზე მოცულობითი ბაზრები აქვს. რუსეთი, როგორც ნავთობის მთავარი ექსპორტიორი ჩინეთში, საუკეთესო მდგომარეობაში აღმოჩნდება და კონკურენტებისთვის პირობების კარნახის შესაძლებლობასაც მიიღებს.

ყველა ახალი ამბავი
0