ვახტანგ მაისაია: გუტერიში საქართველოს მხარდაჭერას გააგრძელებს

© photo: Sputnikვახტანგ მაისაია
ვახტანგ მაისაია - Sputnik საქართველო
გამოწერა
ქართველი პოლიტოლოგის აზრით, ანტონიუ გუტერიში საქართველოსთან მიმართებით პან გი მუნის მხარდამჭერ პოლიტიკას გააგრძელებს.

თბილისი, 14 ოქტომბერი— Sputnik. პორტუგალიელი პოლიტიკოსი ანტონიუ გუტერიში, რომელიც გაეროს გენერალურ მდივნის პოსტზე დაინიშნა, საერთაშორისო არენაზე საქართველოს მხარდაჭერის პოლიტიკას მომავალშიც გააგრძელებს, მიიჩნევს პოლიტიკურ მეცნიერებათა დოქტორი ვახტანგ მაისაია.

გუტერიში უფლებამოსილების აღსრულებას 2017 წლის 1 იანვირდან შეუდგება, მან აღნიშნულ თანამდებობაზე  პან გი მუნი შეცვალა.

„ანტონიუ გუტერიში, საერთოდ, აშშ-ის მომხრეა, მისი კანდიდატურაც სწორედ აშშ-მ წამოაყენა, ამიტომ ვფიქრობ, რომ საქართველოს მხარდამჭერი პოლიტიკა, რომელიც გაეორიდან მოდიოდა, კვლავ გაგრძელდება და მგონია, რომ გუტერიში ამ კურსს გააგრძელებს“, — განაცხადა მაისამიამ Sputnik-თან საუბრისას.

ანტონიო გუტერიში - Sputnik საქართველო
გაეროს გენერალური მდივანი პორტუგალიელი ანტონიუ გუტერიში გახდება

გაერომ საქართველოს სუვერენიტეტისა და ტერიტორიული მთლიანობის მხარდამჭერი რეზოლუცია არაერთხელ მიიღო და  იძულებით გადაადგილებულ პირთა საკუთარ სახლებში დაბრუნების აუცილებლობის შესახებ განცხადებაც  გააკეთა.

ოფიციალური მონაცემების თანახმად, დღეს საქართველოში ცენტრალური ხელისუფლების მიერ არაკონტროლირებადი — აფხაზეთისა და ცხინვალის (სამხრეთ ოსეთი)  რეგიონებიდან 259,2 ათასზე მეტი იძულებით გადაადგილებული პირი ჰყავს.

რუსეთმა აფხაზეთისა და სამხრეთ ოსეთის დამოუკიდებლობა 2008 წლის აგვისტოს ომის შემდეგ აღიარა, რის საპასუხოდაც, თბილისმა მოსკოვთან დიპლომატიური ურთიერთობა გაწყვიტა და ეს ორი რეგიონი ოკუპირებულ ტერიტორიებად გამოაცხადა.

ყველა ახალი ამბავი
0