გურამ დოჩანაშვილი გარდაიცვალა

© photo: Guram Dochanashvili / FBგურამ დოჩანაშვილი
გურამ დოჩანაშვილი - Sputnik საქართველო, 1920, 03.04.2021
გამოწერა
თანამედროვე ქართული ლიტერატურის კლასიკოსს, მწერალ გურამ დოჩანაშვილს რამდენიმე დღის წინ 82  წელი შეუსრულდა.

თბილისი, 3 აპრილი  – Sputnik. ქართველი მწერალი გურამ დოჩანაშვილი გარდაიცვალა. ინფორმაცია საქართველოს მწერალთა სახლი ავრცელებს.

26 მარტს თანამედროვე ქართული ლიტერატურის კლასიკოსს 82 წელი შეუსრულდა.

მწერალი „ნიუ ჰოსპიტალის“ კლინიკის რეანიმაციულ განყოფილებაში იმყოფებოდა.

გურამ დოჩანაშვილი თანამედროვე ქართული პროზის ერთ-ერთი ძალზე მნიშვნელოვანი წარმომადგენელია. დაიბადა 1939 წელს. მკითხველისთვის ცნობილია მისი ნაწარმოებები – „სამოსელი პირველი", „კაცი, რომელსაც ლიტერატურა ძლიერ უყვარდა", „ვატერ(პო)ლოო ანუ აღდგენითი სამუშაოები", „ხორუმი ქართული ცეკვაა" და სხვ.

გურამ დოჩანაშვილის შემოქმედება თარგმნილია მრავალ ენაზე, მისი ნაწარმოებები საფუძვლად დაედო ცნობილ კინოფილმებსა და ტელესპექტაკლებს.

 

ყველა ახალი ამბავი
0