თბილისი, 15 აგვისტო — Sputnik. ბათუმში, ერას მოედანზე 18 და 19 აგვისტოს ორდღიანი ბაზრობა გაიმართება, რომელიც 70-ზე მეტ ქართველ მეწარმეს გააერთიანებს, აღნიშნულია ღონისძიების Facebook-გვერდზე.
გამოფენა-გაყიდვაზე წარმოდგენილი იქნება მრავალფეროვანი ქართული პროდუქცია: ტექსტილი, აქსესუარები, საკონდიტრო ნაწარმი, საკვები პროდუქტები, ალკოჰოლური სასმელები, ჩაი, ჩირი, სახლის დეკორი და სხვა.
„ღონისძიებაზე მოეწყობა სხვადასხვა პროდუქციის დეგუსტაცია, სადაც თითოეულ ვიზიტორს შესაძლებლობა ექნება ადგილზე გაეცნოს და დააგემოვნოს ქართული ნაწარმი და სამომავლო თანამშრომლობის კუთხით მნიშვნელოვანი კავშირები დაამყაროს ადგილობრივ მწარმოებლებთან", — ნათქვამია ორგანიზატორების განცხადებაში.
ბაზრობა 15:00-დან 23:00 საათამდე იმუშავებს. შესვლა თავისუფალია.
ღონისძიების ორგანიზატორია სააგენტო „აწარმოე საქართველოში" აჭარის მტავრობის მხარდაჭერით.