საქართველო, სხვა ათეულობით ქვეყნის მსგავსად, მაისის მესამე კვირაში შიდსით გარდაცვლილი ადამიანების ხსოვნის მსოფლიო დღეს აღნიშნავს.
„Sputnik–საქართველოს“ ინფოგრაფიკის მეშვეობით მკითხველი დეტალურ ინფორმაციას მიიღებს, თუ რა ვითარებაა აივ-ინფიცირების კუთხით საქართველოში.
2021 წლის 1 აპრილის მონაცემებით, საქართველოში 8.765 აივ-ინფიცირების შემთხვევაა დაფიქსირებული. ქვეყანაში ინფიცირების პირველი ფაქტი 1989 წელს დაფიქსირდა.
შიდსი, რომელმაც ამ დროისთვის 33 მილიონამდე ადამიანი შეიწირა, საზოგადოებრივი ჯანდაცვისთვის კვლავინდებურად ერთ-ერთი ძირითადი გლობალური პრობლემაა. თუმცა, თანამედროვე მიდგომის წყალობით აივ-ინფექცია გადავიდა თერაპიას დაქვემდებარებული ქრონიკული დაავადებების კატეგორიაში, რაც აივ-ინფიცირებულებს შესაძლებლობას აძლევს დიდხანს დატკბნენ სიცოცხლით.
